QR Din isteri jáne azamattyq qoǵam vıse-mınıstri Abzal Núkenov Mysyrdyń Sharm ásh-SHeıh qalasynda ótip jatqan Búkilálemdik jastar forýmyna qatysty, dep habarlaıdy Qamshy.kz aqparat agenttigi QR SİM baspasóz qyzmetine silteme jasap. Onda, Elbasynyń Elbasynyń Joldaýy - El bolashaǵynyń baǵyt-baǵdary men bıylǵy ekinshi joldaýy sıaqty mańyzǵa ıe bolǵan Memleket basshysynyń «Bolashaqqa baǵdar: rýhanı jańǵyrý» atty maqalasy túsindirildi.
Mysyr Prezıdenti Abdel-Fattah ás-Sısıdiń bastamasy jáne qamqorlyǵymen uıymdastyrylǵan is-sharaǵa álemniń 125 memleketinen 70-ten astam resmı delegasıalar men jastar qozǵalystarynyń ókilderi qatysty. Forýmnyń qurmetti qonaǵy retinde Palestına, Maýrıtanıa, Gabon, Chad prezıdentteri, Shardja Ámirliginiń bıleýshisi jáne Mekkeniń gýbernatory sanaldy.
Forýmnyń ashylý saltanatynda sóz sóılegen Prezıdent A. ás-Sısı Búkilálemdik jastar forýmy álemniń túkpir-túkpirinen jınalǵan jastar úshin qazirgi álemniń ózekti máselelerin, bilim, ǵylym jáne tehnologıa salalarynda jastarǵa qatysty baǵdarlamalardy iske asyrý perspektıvalaryn, kedergileri men qaterlerin talqylaýǵa, sondaı-aq túrli memleketterdiń jastar saıasaty boıynsha sátti tájirıbelerdi usynýǵa keremet múmkindik beretinin atap ótti.
A. Núkenov Mysyr Prezıdentiniń qatysýymen ótken «Mádenıetter men órkenıetter arasyndaǵy aıyrmashylyq» atty birinshi paneldik sesıada qatysýshylardy Qazaqstan Prezıdenti Nursultan Nazarbaevtyń «Bolashaqqa baǵdar: Rýhanı jańǵyrý» atty baǵdarlamalyq maqalasynyń negizgi tezısterimen tanystyrdy. Elbasy bastamalarynyń mazmuny tyńdaýshylardyń edáýir qyzyǵýshylyǵyn týdyrdy.
Forým aıasynda Qazaqstan delegasıasy basshysy Mysyr Prezıdentimen, syrtqy ister, jastar jáne sport, týrızm mınıstrlerimen kezdesti. Taraptar eki el arasyndaǵy ekijaqty yntymaqtastyqty keńeıtý joldaryn, atap aıtqanda jastar salasynda yqpaldastyqty nyǵaıtý máselelerin talqylady. A. Núkenov Forýmnyń uıymdastyrýshylaryna alǵysyn bildirip, ótip jatqan forýmnyń mańyzdylyǵyn atap ótti. İs-sharaǵa Qazaqstan jastarynyń ókilderi de qatysyp, onyń jumysyna belsendi túrde atsalysýda.
