Qazaqstanda dinı mazmundaǵy 244 saıtty jabýǵa usynys berildi, - dep habarlaıdy Tengrinews.kz tilshisi QR Mádenıet jáne sport mınıstrliginiń Din isteri komıtetiniń tóraǵasy Ǵalym Shoıkınge silteme jasap.

"Búginde biz Internet-keńistiktegi dinı mazmundaǵy destrýktıv aqparattary bar saıttardy anyqtaýǵa monıtorıń júrgizip jatyrmyz. Atap aıtqanda, 2014 jyly bizdiń komıtettiń ózi dinı mazmundaǵy 8000-nan astam saıtqa taldaý júrgizdi. 244 saıt boıynsha tıisti saraptama jasaldy, sonyń negizinde olarǵa Qazaqstan aýmaǵynda tyıym salý úshin materıaldar tıisti organdarǵa joldandy", - dep málimdedi Shoıkın OKQ-niń dinı saýattylyq taqyrybyndaǵy brıfıńinde.

Onyń aıtýynsha, 100-den astam beınematerıalǵa taldaý jasaldy, saraptama nátıjesinde olarǵa teris baǵa berildi, bul materıaldardy da Qazaqstan aýmaǵynda taratýǵa tyıym salyndy.

Buǵan deıin Qazaqstan strategıalyq zertteýler ınstıtýtynyń dırektory Erlan Qarın radıkal mazmundaǵy saıttarǵa tyıym salýdyń durys ekenin aıtqan bolatyn. Al Bas prokýrordyń orynbasary Andreı Kravchenko Qazaqstanda ekstremıstik jáne terorıstik sıpattaǵy materıaldardy taratýdyń jolyn kesýge múmkindik beretin jeke norma bar ekenin málimdedi.