Amerıkalyq eń baı úsh adam – Amazon-nyń negizin qalaýshy Djeff Bezos, Microsoft-tyń negizin qalaýshy Bıll Geıts jáne ınvestor Ýorren Baffettiń qarjylyq jaǵdaıy AQSH halqynyń jartysynyń, ıaǵnı 160 mln. qarapaıym turǵynynyń jaǵdaıymen teń.

Bul týraly amerıkalyq saıası zertteý ınstıtýtynda aıtyldy, dep jazady Qamshy.kz aqparat agenttigi.

Forbes jýrnalynyń kórsetkishine sáıkes, joǵaryda atalǵan kásipkerlerdiń jalpy kapıtaly $250 mlrd.-ty quraıdy. Baıandamada kórsetilgendeı, AQSH-tyń 25 baı mıllıarderiniń qarjylyq jaǵdaıy, onyń ishinde Facebook-tiń negizin qalaýshy Mark Sýkerberg pen Google jasaýshylary Larrı Peıdj jáne Sergeı Brınniń qarjylyq jaǵdaılary $1 trln.-ǵa baǵalanady.

Amerıkalyq ortasha jaǵdaıdaǵy otbasynyń qarjylyq jaǵdaıy, avtomobılin qospaǵanda $80 myńǵa baǵalanady. Sarapshylardyń pikirinshe, AQSH-ta baılar men kedeılerdiń arasy tym alshaqtap keledi.