Túrli eldiń15 myńnan astam ǵalymy ekinshi márte «Adamzatqa eskertý» jasady. Onyń mátini BioScience jýrnalynda jarıalandy. Ǵalymdar osylaısha halyqtyń nazaryn ekologıalyq qaýipti ózgeristerge aýdarǵysy keledi dep jazady Qamshy.kz aqparat agenttigi Tengrinews.kz-ke silteme jasap.

Alǵashqy úndeý 1992 jyly shyqqan. Ol ýaqytta úndeýge 1,7 myńnan astam ǵalym qol qoıǵan. Onyń ishinde Nobel syılyǵynyń laýreattary da bar.

Ǵalymdar bıyl qaıta eskertý jasaýdy jón kórdi. Bul joly úndeýge 184 eldiń 15,3 myń ǵalymy qol qoıdy.  

Statısıkaǵa súıengen zertteýshiler 25 jylda adamzat ekologıalyq máselelerdi sheshe almaǵanyn aıtady. Onyń keıbiri tipti ýshyǵyp barady. Desek te, ǵalymdar alǵa ilgerileý bar ekenin de atap ótti. Onyń ishinde ozon qabatyn buzatyn zattardyń tómendeýin aıtady. Bul adamzattyń álemdi jaqsy jaqqa qaraı ózgertýge qaýqary jetetinin kórsetedi.