Eýrazıalyq Shyǵarmashylyq Gıldıasy jáne Herdforshire Press baspasy uıymdastyrǵan VI-Eýrazıalyq ashyq ádebı baıqaýda, poezıa nomınasıasy boıynsha aqyn Ǵalym Jaılybaıdyń «Qara oramal» poemasy úshinshi oryn aldy, dep habarlaıdy Qamshy.kz aqparat agenttigi.

Baıqaýǵa álemniń 36 memleketinen 1600 shyǵarma túsken. «Qara oramal» poemasy atalmysh baıqaýǵa qatysqan elderdiń tiline aýdarylady.

Halyqaralyq «Alash» ádebı syılyǵynyń laýreaty, aqyn Ǵalym Jaılybaıdyń «Qara oramal» kitabynyń tusaýkeser keshi 2014 jyldyń 29 mamyrynda Qaraǵandyda ótken.

Aqynnyń náýbet jyldardy arqaý etip, saıası qýǵyn-súrgin qurbandaryna arnalǵan «Qara oramal» dastany «Bolashaq» baspasynan orystyń belgili aqyny Nadejda Chernovanyń aýdarmasymen eki tilde jaryq kórgen bolatyn.

 XX ǵasyrda el basyna tóngen zulmat zaman ashyq jazylǵan dastan «Qaraǵandy lageri», «Karlag qaqpasy», «Ahmetjan Sarmantaıulynyń «58-statá» kúıi», «Qyzjylaǵan», «Irına Borhmannyń «Úzilgen sapar» kartınasy», «Mamochkına molasy», «Úsh qaǵys» atty taraýsha jyrlardan turady.