Sochıde ótip jatqan sambodan álem chempıonatynda Qazaqstannyń eski ánuranynyń fonogramsy qosylǵan dep habarlaıdy Qamshy.kz aqparat agenttigi. Bul týraly QR Mádenıet jáne sport mınıstrliginiń Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva habarlady.
Qazaqstandyq sportshy Eset Qýanovty altyn medalmen marapattaý kezinde uıymdastyrýshylar osyndaı qatelikke boı aldyrypty.
Eski ánuran oınalǵanda, Qýanov basyn shaıqap, qatelik ketkenin kórsetken. Sol kezde trıbýnada otyrǵan otandastarymyz oryndarynan turyp, ánurandy fonogramsyz aıtyp berdi. Komentator men kórermender qazaqstandyqtarǵa razy bolyp, dıktor jiberilgen aǵattyq úshin keshirim surady.
Raýhan Toǵymbaevanyń aıtýynsha, RF Sambo federasıasy olqylyqqa tehnıkalyq aqaý men adamı faktor sebep bolyp otyrǵanyn túsindirgen.
«Ózderińiz biletindeı, bul birinshi ret oryn alǵan jaǵdaı emes. Ánuran 11 jyl buryn jańartylǵanymen, qanshama ret shatastyrý jaǵdaıy tirkeldi. Osyny aldaǵy ýaqytta boldyrmaý úshin jumys júrgiziletin bolady. Bul jumys qalaı júzege asyrylady? Bálkim, eger uıymdastyrý komıteti ózderiniń jumysyn joǵary deńgeıde jasaı almaıtyn bolsa, onda komıtetten arnaıy bir ókil bólemiz be?.. Ol suraqtardy aldaǵy ýaqytta sheshetin bolamyz», - deıdi Raýhan Toǵymbaeva.
