Ózbekstan men Qazaqstan Respýblıkasy úkimetteri arasyndaǵy Halyqaralyq avtomobıl tasymaly Kelisimine ózgerister men tolyqtyrýlar engizý týraly hattama kúshine endi. Bul týraly Ózbekstan SİM habarlady, dep jazady Qamshy.kz aqparat agenttigi.
«Hattama turaqty jáne turaqsyz halyqaralyq jolaýshylar tasymalynyń júıeli jáne júıesiz normasy engen úkimetaralyq kelisimniń kólemin keńeıtedi», - delingen habarlamada.
Qujat kólik komýnıkasıalary salasynda ózara tıimdi yntymaqtastyqty tereńdetý maqsatynda qabyldandy, sondaı-aq eki el arasyndaǵy jolaýshylardyń halyqaralyq avtomobıl tasymaldaryn júzege asyrý úshin ózara tıimdi quqyqtyq sharttar jasaý kózdeldi.
Budan buryn QR ınvestısıa jáne damý mınıstrligi eki memleket arasynda jolaýshylarǵa arnalǵan avtobýstyq tasymaldyń joǵyn aıtqan. Al úkimetaralyq kelisimge ózgertýler engizý júzege assa, eki eldiń iri qalalary arasynda turaqty túrde avtobýstar júrip turatyn bolady. Ár tasymaldaýshy 5 jyl kóleminde belgili bir marshrýtta jumys isteı alady.
