32 jastaǵy turǵyn mas kúıinde eki aılyq qyzyn emizgen, sonyń saldarynan qyz bala etıl spırtinen ýlanyp qaıtys boldy, - dep habarlaıdy Qamshy.kz aqparat agenttigi tengrinews.kz saıtyna silteme jasaı otyryp. Oqıǵa Reseıdiń Iamalo-Neneskıı avtonomıalyq okrýginde bolǵan. Áıelge qatysty qylmystyq is qozǵaldy.

RF Tergesý komıtetiniń jergilikti tergeý basqarmasyndaǵylar oqıǵanyń qazan aıynyń ortasynda Iamal aýdanynyń bir aýylynda bolǵanyn aıtady. 

«Qyz bala etıl spırtinen ýlanyp, birden qaıtys bolǵan», - delingen vedomstvonyń habarlamasynda.  Qylmystyq is abaısyzdyqta adam óltirý baby boıynsha qozǵalǵan. Tergeýshiler oqıǵanyń mán-jaıyn anyqtap jatyr. Sot-medısınalyq saraptama taǵaıyndaldy, olar balanyń neden qaıtys bolǵanyn anyqtady. Sondaı-aq medısınalyq kómek kórsetken mamandardan jaýap alyndy.