Airlineratings.com saıty álemdegi eń qaýipsiz áýe kompanıalarynyń tizimin jarıalady.

Reıtıń basynda avstralıalyq Qantas kompanıasy tur. Onymen birge alǵashqy ondyqqa Air New Zealand, British Airways, Cathay Pacific Airways, Emirates, Etihad Airways, EVA Air, Finnair, Lufthansa jáne Singapore Airlines engen.

Baǵasy arzan (low-cost) ári qaýipsiz avıakompanıalardyń qataryna Aer Lingus, Alaska Airlines, Icelandair, Jetblue, Jetstar, Kulula.com, Monarch Airlines, Thomas Cook, TUI Fly jáne Westjet kirgen.

Al tizimdegi eń qaýipti áýe kompanıalary qatarynda qazaqstandyq SCAT, nepaldyq Tara Air jáne Nepal Airlines, aýǵanstandyq Kam Air kompanıalary atalǵan.

Zertteýge barlyǵy 449 áýe kompanıasy qatysqan.

2013 jyly qańtardyń 29-y kúni Almaty mańynda SCAT kompanıasyna tıesili Kókshetaý-Almaty baǵytymen ushyp kele jatqan Challenger-200 ushaǵy qulap, borttaǵy 5 ekıpaj múshesi men 16 jolaýshy opat bolǵan edi.

"Azattyq"