2015 jyly Ulttyq biryńǵaı testileýdi ótkizýdiń formaty ózgermeıdi, dep habarlady QR Bilim jáne ǵylym mınıstrliginiń baspasóz qyzmetinen.
2015 jylǵy maýsym aıynyń 1-i men 15-i aralyǵynda elimizde Ulttyq biryńǵaı testileý (UBT) ótkiziledi, oǵan 100 myńnan astam mektep túlegi qatysady dep kútilýde. UBT ony ótkizýdiń arnaıy pýnktteriniń bazasynda uıymdastyrylady.
«UBT qazaq jáne orys tilderinde bes pán: qazaq nemese orys tili, matematıka, Qazaqstan tarıhy, qazaq tili (orys tilinde oqytatyn mektepter úshin), orys tili (qazaq tilinde oqytatyn mektepter úshin), tańdaý boıynsha pán (tańdaǵan mamandyqqa baılanysty, shyǵarmashylyq mamandyqtary úshin tańdaý boıynsha pán - erkin) boıynsha ótkiziledi», - delingen habarlamada.
Ár pán boıynsha 25 tapsyrma usynylady. UBT-ny ótkizýge úsh jarym astronomıalyq saǵat (210 mınýt) ýaqyt beriledi. UBT-ny qaıta tapsyrýǵa ruqsat etilmeıdi.
UBT-ny obektıvti jáne uıymdasqan túrde ótkizýdi Bilim jáne ǵylym mınıstrliginen arnaıy daıyndalǵan ókilder qamtamasyz etedi. Barlyq UBT ótkizý pýnktterinde jergilikti atqarý organdary jáne mınıstrlik tarapynan testileýdi tabysty ári jaıly tapsyrýǵa qajetti jaǵdaı jasalady.
"QazAqparat"
