Kóliktiń beınetirkeýishine túsken jazbany sotta aıǵaq retinde kórsetýge bolady. Bul 1-qańtardan bastap kúshine engen jańa zańda qarastyrylǵan.

Buǵan deıin beınetirkeýishke túsken jazbalar ǵalamtorda talaı daý týdyrǵan edi. Onda talaı jol apattary kórsetildi.

Sondaı-aq, jol polıseıleriniń dóreki qylyǵy jazylyp qalyp, olardyń masqarasy shyqqan. Alaıda vıdeoǵa qatysty qyzmettik tekserý júrgizilgenimen, onyń sapasy, kúni men ýaqytynyń naqty jazylmaǵanyn syltaýratatyn sýdıalar ony prosesterde qaraýdan bas tartatyn.

Ári buǵan zań boıynsha ruqsat joq edi. Endi ákimshilik quqyq buzýshylyq týraly jańa Kodekske saı jazbany sot otyrysyna alyp kelip, naqty aıǵaq retinde kórsetýge bolady.

Jalǵyz beınetirkeýish emes, kóshedegi baqylaý kamerasyna túsken jazbany da iske dálel retinde qosýǵa zań boıynsha ruqsat etilip otyr. Al aıyp taǵylǵan tarap vıdeonyń shynaılyǵyna kúmán keltirse, ol saraptamaǵa jiberiledi.

 KTK arnasy