2017 jyly qarashanyń 23-27-si aralyǵynda AQSH-tyń Nú-Iork qalasynda ótken «Jemchýjnyı – Nú-Iork» halyqaralyq baıqaýy ótti, dep habarlaıdy Qamshy.kz aqparat agenttigi.
Baıqaýda Almaty qalasynan «Boztorǵaı» qoǵamdyq qorynyń jetekshisi Qarlyǵash Ábdikárimovanyń, «Senim» vokaldy ansambliniń jetekshileri Tursyn Kýderına men Olga Rezınniń qoldaýlarymen qatysqan jas ánshiler birneshe júldeli oryndarǵa ıe boldy.
Atap aıtar bolsaq, bas júldeni Madına Ahmetova (Astana qalasy), Aıdana Kozybaeva (Almaty qalasy) ıelense, birinshi oryn Ulasbek Amırkanovqa (Almaty qalasy) tıesili boldy. Al almatylyq Adına Danıalova ekinshi oryn aldy.
AQSH-tyń Nú-Iork qalasynda ótken atalmysh baıqaýdy Pragma ART toby uıymdastyrǵan. Top prezıdenti – Ketrın Merı. Qanjyǵasyna eki bas júlde men 1-shi jáne 2-shi oryndy baılaǵan baıqaýǵa qatysýshy jas talanttardyń qýanyshtarynda shek joq.
