Búkilálemdik boks keńesi (WBA) qazaqstandyq kásipqoı boksshy Qanat Islamǵa (25-0, 20 KO) mindetti qarsylas belgiledi. Bul týraly BoxingScene.com portalyna silteme berip vesti.kz jazady. 

Birinshi orta salmaqta óner kórsetetin otanlasymyzdyń mindetti qarsylasy jeńilip kórmegen amerıkalyq boksshy Djon Vera bolypty. Onyń enshisinde 18 jekpe-jek bar. Barlyǵynda jeńiske jetken. 11 kezdesýde qarsylastaryn nokaýtqa túsirgen. 

WBA keńesiniń ókilderi eki boksshyǵa resmı hatty 21 qazan kúni jibergen. Endi eki tarap ókilderinde jekpe-jekti uıymdastyrýǵa 30 kún bar. Keri jaǵdaıda kezdesýdi ótkizý quqyǵy bássaýdaǵa qoılady. 

Aıta keteıik, bul kezdesýde jeńiske jetken boksshy WBA belbeýiniń ıegeri kýbalyq Erıslandı Laranyń (25-2-2, 14 KO) birinshi kezektegi mindetti qarsylasy bolady. 

Qazirgi ýaqytta Qanat Islam WBA reıtıńinde birinshi orynda keledi. Ol óziniń sońǵy kezdesýin 9 qyrkúıek kúni Astana qalasynda ókizip, kanadalyq Brendon Kýktan aılasyn asyryp, WBO NABO jáne WBA Inter-Continental belbeýlerin qorǵap qaldy. 

Vera bolsa bul reıtıńte ekinshi orynda tur. Sońǵy kezdesýin ol 2017 jyldyń 29 qyrkúıeginde ótkizip, Sandeı Aljývýdan aılasyn asyrdy.