Ótken aptanyń sońynda Qyrǵyz múftıatynyń resmı veb-saıty qaraý oıly hakerlerdiń shabýylyna ushyrady. Bul jaıynda Qyrǵyz din isteri basqarmasynyń baspasóz hatshysy Asan Saılov málimdedi.

Qorqaý hakerler veb-saıttyń basty betine qarý kezengen qyzdyń sýretin ornalastyryp, onda aǵylshyn tilinde: «Free Syrian. Free Palestina. Nothing is impossible» («Azat Sırıa, azat Palestına. Múmkin emes nárse joq!») jazýyn qaldyrǵan.

Búginde atalmysh jaıtty tekserip, qaıta qalpyna keltirý jumystary júrgizilýde. Al bul buzaqylyq árekettiń astarynda memlekettiń ustanymyna teris kózqarastaǵy, eldegi dinı baǵytty bura tartqysy keletin toptyń turýy ábden múmkin degen de pikirler joq emes.

Qazirgi ýaqytta mamandar Dinı basqarmanyń ınternet-resýrsyna kimderdiń qandaı maqsatpen buzyp kirgenin anyqtaý ústinde. İstiń nátıjesine qaraı prokýratýra men arnaıy qyzmet oryndaryna aryz jiberiletin bolady.

"Úmmet.kz"