Popýlıs dep Bekbolat Qanaıuly, Qańqý sózdiń bar edi ne qaıyry? Ulshyl adam úndemeı qalaı tursyn, Ekrannan kórsetse anaıyny. Sáláfıt dep Bekbolat Qanaıuly, Azamatqa qoıaıyq alaıýdy. Aq jaýlyqtyń jaýlary kúıdirdi ony, Jarnamalap jalańash «jabaıyny»? Mazhabsyz dep Bekbolat Qanaıuly, Quldyń úni, aınala malaı úni. Jar bolmasa jaratqan, jalǵyz adam Jaýlyq salǵan qorǵaıdy qaı arýdy? Qudaı súıgen Bekbolat Qanaıuly, İs atqardy ult úshin talaı iri! Din ustaǵan pendege jyny ustaǵan, Bul – qudaısyz qarlardyń qara oıyny. Qubyldy dep qańqýǵa qalaı úni, Qapalanba qazaqqa, Qanaıuly, «Muhammedke ermeńder, ol – jyndy!» –dep, Sóz taratqan, óziniń aǵaıyny! Qansha jerden bolsa da Abaı – Uly, İshken joq pa tirlikte talaı ýdy? Arystaryn «jaý» dese sengen qazaq, Aıyra almaı altyn men qalaıyny. Aınalasy jalaqor, mańaıy ury, Jıylmasyn erimniń tek aıyly. Quly dinin, qorǵasyn, Alla qulyn Ássálámý áláıkým, Qanaıuly! Sálemmen, Jetisýdiń jalaıyry.

(Eldos Jalǵasbaıteginiń feısbýktegi paraqshasynan)