Qazirgi kezde elimizde jas otbasylardyń ajyrasýy jıilep ketti. Usaq-túıek túsinispeýshiliktiń arty ajyrasýǵa tirelgen otbasylar jylaǵan balany oılamaı, ata-ana aqylyn tyńdamaıtyn boldy. Ózekti máselege qatysty Qamshy.kz aqparat agenttigi ǵıbratty oqıǵany oqyrman nazaryna usynady. 

Otaý qurǵanymyzǵa 12 jyl boldy. Osynshama jyldan keıin bizdiń aramyz sýyp ketkenin baıqadym. Kún saıyn keshke men bizdiń otbasy bolǵanymyz úlken qatelik boldy dep oılaıtyn boldym. Sebebi úıimizden bereke qashyp, urys-keristen kóz ashpaıtyn jaǵdaıǵa jettik. Jumystan úıge kelgende meni ashýly, bárinen sharshaǵan áıelim qarsy alatyn. Tipti ol maǵan nazar aýdaryp, kóńil bólmeıtin. Men bir kezde bul jaǵdaıdy ózgertý kerek ekenin túsindim. Keıin áıelime myna suraqty qoıdym: «Seniń búgingi kúnińdi jeńildetý úshin ne isteýim kerek?». Áıelim maǵan ashýlanyp, «ydys-aıaqty jýyp ber», - dedi. Men onyń aıtqanyn oryndadym. Kelesi kúni de áıelime osy suraqty qaıta qoıdym. Áıelim meni ashýlandyrý úshin úıdi jınaý kerektigin aıtty. Alaıda men eshteńe bolmaǵandaı aıtqanyn istedim. Biraq kúnde osy suraq qoıýdan sharshamadym. Ózimniń tańdap súıgen adal jarymnyń aıtqanyn jasadym. Birneshe kún ótkennen keıin suraqty qaıta qoıǵanymda áıelim jylap jiberdi. «Ne úshin osylaı jasap júrsiń? Másele sende emes, bar másele mende ǵoı. Bárine men kinálimin», dep jylady. Men ony jubatyp, qaıta tatýlasqandaı boldyq. Kelesi kúni áıelim menen «Seniń kúnińdi jeńildetý úshin ne isteýim kerek?», — dep surady. Bir-birimizge qarap kúlip jiberdik. Osylaı ekeýmiz qaıta qaýyshqandaı kúı keshtik. Osy oqıǵadan keıin qansha jyl ótse de bizdiń bir-birimizge degen sezimimiz sýyp kórgen joq.

Bul sóz barlyq otbasyǵa kómektesedi dep kepildik bere almaıtynymyz anyq. Alaıda bir-birimizge múmkindik berip kórýge bolady. Kemshiliksiz adam bolmaǵan, bolmaıdy da. Sondyqtan barlyq qıyn jaǵdaıdy sabyrlylyq tanytyp, túsinistikpen qarap qana sheshýge bolady.