40398 áskerı bóliminiń bólimshe komandıri serjant Aslan Shákenov Almaty oblysy boıynsha «úzdik jas áskerı qyzmetshi» atandy, dep habarlaıdy Qamshy.kz aqparat agenttigi.

Jas áskerı qyzmetshige oblys ákimi Amandyq Batalov óz qolymen «Ko’s’bass’y - 2017» jastar syılyǵyn tabys etti. Taldyqorǵanda úzdik jas mamandarǵa Almaty oblysy ákiminiń dástúrli marapaty usynyldy. Marapat 17 nomınasıa boıynsha taǵaıyndaldy: úzdik áskerı qyzmetshi, jýrnalıs, dáriger, kásipker, memlekettik qyzmetker jáne t.b.

Oblys ákimi Amandyq Batalov ár laýreatqa dıplom men 250 000 tg. syıaqy tabys etti. Atalǵan shara Almaty oblysynyń jastar saıasaty máseleleri basqarmasy, jastar saıasaty ortalyǵy, «Jas Otan» JQ Almaty oblystyq fılıalynyń uıymdastyrýymen ótkizildi.

Olardyń pikirinshe jastardy osydaı is-sharalar arqyly qoldaý olardyń alǵa umtylyp, óz sheberlikterin shyńdaı túsýine yqpal etedi.

- Almaty oblysy ákiminiń «Ko’s’bass’y» syılyǵy 2009 jyldan beri ótkizilip keledi. Úmitkerler qatań talaptar men buljymas erejege sáıkes iriktelip, ishinen eń úzdikteri tańdaldy. Jańa 17 esim tarıhqa engizildi, - dedi Almaty oblysynyń jastar saıasaty máseleleri basqarmasy baspasóz qyzmetiniń baspasóz hatshysy Aınur Nurbolqyzy.

Onyń aıtýynsha, «Úzdik áskerı qyzmetshi» nomınasıasyna Qarýly Kúshterdiń, basqa da áskerler men áskerı qurylymdardyń áskerı qyzmetshilerinen birneshe ótinish kep túsken. Kásibı deńgeılerin, kóshbasshylyq qabiletterin, jetken jetistikterin saralaı kele QR QK Qurlyq áskerleri 40398 á/b serjanty serjant Aslan Shákenov oblys ákiminiń marapatyna laıyq dep tanyldy. Aslan Shákenov «jekpe-jek» boıynsha Qazaqstan chempıonatynyń júldegeri, «jekpe-jek» boıynsha halyqaralyq týrnırlerdiń jeńimpazy, «jıý-jıtsý» boıynsha Qazaqstan chempıony.

Osy kezge deıin 50-den asa oblystyq, respýblıkalyq, halyqaralyq jarystarda baǵyn synaǵan.

-Barlyǵy bizdiń áskerı bólimde uıymdastyrylǵan jekpe-jek jarysynan bastaldy. Qarsylastarymdy jeńgen soń odan joǵary deńgeıdegi jarystardabaǵymdy synaı bastadym. «Úzdik jas áskerı qyzmetshi» ataný men úshin zor mártebe, qol jetkizgen tabystarym tek meniki emes, Qorǵanys mınıstrligi basshylyǵynyki dep bilemin. Sebebi meniń sheberligimdi shyńdaýǵa, kásibıligimdi damytýǵa jaqsy jaǵdaı jasalyp otyr. Biz aldyńǵy býyn aǵalarǵa qarap óssek, artqy býyn bizge qarap boı túzeıdi. Demek bizdiń jaman, ne ortasha bolýǵa qaqymyz joq, biz, qazaqstandyq jastar, árqashan alda, kóshbasshy bolýymyz qajet, - dep oı túıdi serjant Aslan Shákenov.

Saltanatty marapattaý sharasy qazaqstandyq estradanyń jarqyn juldyzdary Kámshat Joldybaeva men «Renzo» tobynyń qoıǵan ǵalamat konsertimen aıaqtaldy.