Almaty qalasy jergilikti áskerı basqarý organdarynda jaýyngerlik ázirlik aptalyǵy bastaldy, dep habarlaıdy Qamshy.kz aqparat agenttigi.
Sonymen birge jaýyngerlik ázirlik is-sharalary barlyq eldiń Qarýly Kúshterinde ótip jatyr. Qazaqstan Respýblıkasy Qarýly Kúshterinde 2017 jylǵy 4 jeltoqsan men 9 jeltoqsan aralyǵynda áskerlerdiń jaýyngerlik ázirlik máseleleri boıynsha taktıkalyq-saptyq sabaq ótkizilmek.
Bul sabaqtyń maqsaty - Qazaqstan Respýblıkasy Qarýly Kúshteriniń, basqa da áskerleri men áskerı quralymdarymen, jergilikti áskerı basqarý organdarymen, áskerı bólimdermen ózara tyǵyz áereket etýdi qoldaý, Qarýly Kúshterin habarlaý júıesin tekserý, taǵaıyndaý boıynsha tapsyrmalardy oryndaý jáne joǵary deńgeıli jaýyngerlik ázirlikke keltirý barysynda áskerlerdi basqarý kezinde basqarmalar (shtabtar) organdarynyń jaýyngerlik ázirligin arttyrý.
2018 jyly áskerdiń negizgi daıyndyǵy memlekettiń áskerı qaýipsizdikti qamtamasyz etý, jergilktii áskerı basqarý organdary men áskerlerdi teń deńgeıde jaýyngerlik pen jumyldyrý ázirlikterin arttyrýdy kózdeıdi. Jergilikti áskerı basqarý organdarynyń negizgi qyzmeti Qazaqstan Respýblıkasy Qarýly Kúshteriniń, basqa da áskerleri men áskerı qurylymdarynda áskerge shaqyrý jáne jumyldyrý resýrstaryn jınaqtaý bolyp tabylady.
Qazaqstan Respýblıkasynyń jumyldyrý daıyndyǵynyń maqsaty Qazaqstan Respýblıkasyn qarýly qorǵaý múddelerinde soǵys ýaqytynda memleketti turaqty basqarý, memleket ekonomıkasyn beıbit jaǵdaıdan soǵys jaǵdaıy rejımine uıymdasqan túrde aýystyrýdy júzege asyrý, memlekettiń áskerı uıymynyń jáne el halqynyń qajettilikterin qamtamasyz etý, jaýyngerlik is-qımyldar men aýmaqtyq qorǵanys aımaqtarynda ekonomıka salalarynyń jáne ákimshilik-aýmaqtyq birlikterdiń jumys isteýi bolyp tabylady.
2018 oqý jyly Qazaqstan Respýblıkasy Qarýly Kúshterinde "Uly dala áskeri - Máńgilik el tiregi" degen uranmen jumyldyrý daıyndyǵy men jaýyngerlik ázirlikti qarsy almaq
