Belgili ánshi Nurlan Alban "Svoboda slova" basylymyna bergen suhbatynda bolashaqta qarıalardan turatyn "Abyz aqsaqaldar" tobyn qurǵaly jatqanyn aıtty.
Ánshi osy ýaqytqa deıin "Arýana" dep atalatyn ájeler tobyn qurǵanyn, al aldaǵy ýaqytta taǵy bir úlken jobany júzege asyrmaq oıy bar ekenin jetkizdi.
"Men qazaqtyń ájelerin ǵana emes, sonymen birge atalarymyzdy, qarıalarymyzdy sahnaǵa shyǵarǵym keledi. Osy maqsatta úlken kastıng jarıalanady. Atalardan, qazaqtyń abyz aqsaqaldarynan quralǵan top qurmaq oıym bar, qazir osy maqsatta 7 atany izdeý ústindemin", - dedi Nurlan Alban.
Al atalarǵa qoıylar talap qandaı degen saýalǵa ánshi: "Sonshalyqty aýyr talap qoıamyn demeımin. Topty sózi salmaqty, oıy ornyqty, qazaqylyǵy men ımany mol, saqal-murty kelisken aqsaqaldardan qursaq deımin. Tek odan keıin baryp mýzykalyq qabiletin baǵalaıtyn bolamyz", - dep jetkizdi ol.
Sonymen qatar ánshi Alban toptyń qalaı atalatyny áli anyqtalmaǵanyn aıtty. Eger talapqa saı kelip, tek qana sahna tórinde emes, ómirde de aqylshy bolatyn aqsaqaldarymyz tabylyp jatsa, jobanyń jemisti bolaryna senetinin atap ótti.
