Bishkektiń quqyq qorǵaý organdary oqýshylardyń urlanýy jaıynda aqparatty tekserip jatyr. Bul týraly Sputnik Qyrǵyzstanǵa İshki ister basqarmasynyń baspasóz qyzmeti habarlady.

WhatsApp áleýmettik jelisinde kámelet jasqa tolmaǵan balalardyń urlanyp jatqany jaıynda vıdeohabarlama jıi taralatyn boldy. Áıel adam óziniń jıenin belgisiz bireýler urlap kete jazdaǵanyn, alaıda kósheden ótip bara jatqan erli-zaıyptylardyń tonaýshyǵa bóget bolǵanyn aıtqan. Kelesi bir habarlamada Bishkek turǵynynyń kishkentaı qyzy mektep oqýshylarynyń qalaı tonalǵanyn óz kózimen kórgendigi aıtalady.

«Biz bul aqparatty tekserip jatyrmyz. Jaqyn ýaqytta bári belgili bolady», - dedi astanalyq mılısıanyń baspasóz qyzmetinde.

Resmı derekterge sáıkes, jyl saıyn Qyrǵyzstanda 800 bala men jasóspirimder iz-tússiz joǵalyp ketedi.