Áıgili fýtbolshy Krıshtıaný Ronaldý men reseılik sánbıke Irına Sheıktiń mahabbat hıkaıasy «máresine jetken» sekildi. Batystyq basylymdar qos ǵashyqtyń aıyrylysyp tynǵany týraly basty betterinde jaza bastady.

Ispandyq El Mundo basylymy fýtbolshy men sánbıkeniń aıyrylysýyna baılanysty túrli joramaldardy tizip shyqqan. Olardyń aıyrylysyp ketkenin - «Altyn dop» ıegerin anyqtaıtyn saltanatty keshkeRonaldýdyń jalǵyz kelýimen baılanystyryp otyr. Al Irına Sheık bolsa, 29 jasqa tolǵan týǵan kúnin jalǵyz atap ótipti. Sonymen qatar, áleýmettik jelige úsh túrli shoq gúlimen qosa, «ómirimde birinshi ret mundaı syı aldym» dep jazba qaldyrǵan. Odan ózge reseılik sánbıkeniń Ronaldýdyń anasynyń týǵan kúnine kelmegenin de mysalǵa alǵan.

Batystyq keı aqparat quraldary Irına Sheıktyń áleýmettik jelidegi «áreketterinen-aq» aıyrylysyp ketkenderi aqıqat dep habarlaýda. Sebebi, 2013 jyly madrıdtik «Real» shabýylshysy «Altyn dopty»ıelengende «meniń jigitim jeńimpaz» dep jahanǵa jar salǵan bolatyn. Al bıyl Ronaldýdy múlde umyt qaldyrǵan. Eshbir áleýmettik jeli arqyly quttyqtamaǵan da kórinedi.

Aıta keteıik, Krıshtıaný Ronaldý «Altyn dop» aldynda «Globe Soccer Awards» júıesinde úzdik fýtbolshy bolyp tanylǵan Dýbaıdaǵy saltanatty keshke de jalǵyz barǵan bolatyn.

Krıshtıaný Ronaldý men Irına Sheık arasyndaǵy mahabbat hıkaıasy - 2010 jylǵy «Armani» jarnamasyna túskennen keıin órbigen edi.

Derekkóz: massaget.kz