Jyl saıyn Cushman & Wakefield jýrnaly álemdegi eń baı kóshelerdiń tizimin anyqtaıdy. Oǵan 65 memlekettiń astanasy men iri megopolıs qalalar qatysady eken. Sonymen búgin biz sizderge sol baıqaýdyń qortyndysyn jarıa etpekpiz. 2014 jyldyń eń baı kóshesin ataǵyn AQSH-taǵy Upper 5th Avenue kóshesi jeńip aldy. Sebebi bul kósheniń turǵyndary páterdiń 1 sharshy metrine 30 000 evro tóleıdi eken. Ekinshi oryndy Gonkongtyń Causeway Bay kóshesi jeńip aldy. Bul kóshe boıynda páter jaldap turatyndar aı saıyn 24 000 evro tóleıdi. Alaıda turǵyndar páter baǵasy qymbat dep qymsynbaı, kerisinshe qýanyshty. Turǵyndardyń aıtýynsha bul jer Gonkongtyń eń iri saýda oryndary jaqyn eken. Jyl saıyn úshinshi oryndy Parıjdiń Avenue des Champs-Élysées kóshesi ustap turǵan kórinedi. Munda turǵyn úıdiń 1 sharshy metrine 13 000 evro tóleıdi eken. Aıtpaqshy atalmysh kóshe fransýz astanasynyń ortalyq kóshesi bolǵandyqtan mańaıynda bıznes ortalyqtary, oıyn-saýyqtyq mekemeler, sondaı-aq avıakompanıalar bar eken. Tórtinshi oryndy brıtandyq New Bond Street alypty. Kóshe ataýy osy aýdannyń negizin qalaǵan Bondtyń qurmetine qoıylǵan eken. Al osy aýlanyń turǵyndary páterdiń árbir sharshy metrine 10 000 evro tóleıdi. Besinshi orynǵa Sıdneıdiń Pitt Street Mall kóshesi taban tirepti. Atalmysh kóshede páter jaldaýshylar apta saıyn 450 dollar tólep otyrady eken.

Ajar Saǵatbekova

Derekkóz: "Ózgeshe.kz"