Bir top tonaýshy bank tonaǵanda mynadaı sóz aıtypty: «qozǵalmańdar, aqsha memlekettiki, jan ózderińdiki!».  Muny estigen qyzmetkerler lám demesten jerge jata qalypty. Tonaýshynyń bireýi qol-aıaǵyn aspanǵa sozyp, taltaıyp jatqan kasır boıjetkenge qarap: ‹bıkesh, ádeptirek jatyńyz, bul – tonaý, áste zorlaý emes› degen eken. Qylmyskerlerdiń ishindegi joǵary bilimi bar bireýi: «Qansha aqsha alǵanymyzdy sanap kórelik» depti. Sonda bastaýysh bilimi de joq Ataman: «Oı, aqymaq! osynsha kóp aqshany qashan sanap bolamyz? Keshte habardan kórsek boldy emes pe? Sonda ózderi-aq sanyn aıtyp beredi› depti.

Tonaýshylar bar aqshany alyp, iz sýytqan soń bank bastyǵy orynbasaryna sybyrlap, «urlanǵan aqshanyń sanyna ózimiz jegen aqshany da qosa sal» depti.

Úsh jigit bir qyzdyń úıine baryp úılený talabyn qoıypty, qyzdyń áke-sheshesi olarǵa ózderin tanystyrýdy suraǵan eken.

Sonda birinshi jigit: meniń 10 mıllıon dollarym bar dese, ekinshi jigit meniń bir saıaajym bar. Quny 20 mıllıon dollar turady depti. Qyzdyń áke-sheshesi qatty qýanyp ketse kerek. Úshinshi jigitke qarapty. Ol «meniń eshteńem joq. Tek bir balam bar. Ol qyzyńyzdyń qursaǵynda» degen eken.

Sonda birinshi jigit pen ekinshi jigit eshteńe demeı shyǵyp ketipti.

*****

Qyzdar monshasyna órt ketipti, barlyq adam abdyrap tyr-jalańash kúıinde syrtqa qaraı qashypty. Kóshege shyǵyp esterin jıǵan qyzdar eki qolymen uıatty jerleriniń qaı jerin jabaryn bilmeı ábigerge tússe kerek. Sonda joldan ótip bara jatqan qarıa: betterińdi jabyńdar, basqa jaǵy bárińde uqsas degen eken.

****

Ákesi mashınasyn jýyp jatsa, balasy qolyndaǵy taspen mashınanyń esigin syzyp tastapty. Ashýlanǵan áke taıaqpen salyp jiberipti. Balanyń qoly synyp, dereý dárigerge aparǵan eken. Sonda bala: Áke, keshirińiz, endi olaı istemeımin, - dep jylamsyraǵan kórinedi.

Ákesiniń ashýy ornyna túsip, mashınasyna qaıtyp kelip, anyqtap qarasa balasy: «Áke Sizdi jaqsy kóremin» dep jazǵan eken.

***

Bir soqyr qyz bolypty, onyń eshteńesi joq edi, tek ony súıetin jigiti ǵana bar edi. Jigiti odan: Eger seniń kóziń kóre alatyn bolsa, menimen otbasyn qurasyń ba? – dep suraǵanda, qyz oılanbastan «ıá» dep jaýap beripti.

Kóp ótpeı, qyzdyń kózine ota jasalyp, onyń kózi kóretin bolypty. Biraq ol óziniń jigitiniń de soqyr ekenin kórip, onymen otbasyn quraýdan bas tartypty. Sonda jigit bir aýyz sóz aıtyp, ketip qalǵan eken...

– «Kózime jaqsy qara!»

****

Uly qartaıǵan sheshesin asyraı almaǵandyqtan, ony taý basynan laqtyryp jiberý bekimine kelipti. Kesh batarda taýǵa baryp seıildeımiz dep sheshesin arqalap jolǵa shyǵypty. Bıik taýdyń basyna jetkenshe, sheshesiniń qolyndaǵy burshaqty bir-birlep jerge tastap kele jatqanyn kórip, «munyń ne» dep surasa kerek. Sheshesiniń jaýabyn estip, balasy kóz jasyna erik beripti. Sondaǵy anasynyń aıtqany:

– Balam-aý, sen qazir taýdan jalǵyz túsesiń ǵoı. Sonda adasyp ketpesin degenim...

Qytaı tilinen aýdarǵan: Bekarys

"Kúltegin" saıtynan