Qytaıdyń ońtústigindegi Gýandýn provınsıasynda halyq aldynda 10 adamdy ólim jazasyna kesti. Onyń jeteýi esirtki satqany úshin, al úsheýi adam ólimi jáne urlyqpen aınalysqany úshin jazalandy.
Qylmyskerlerge qatysty úkim shyqpas buryn jergilikti turǵyndar áleýmettik jeli arqyly sharanyń ótetini jaıly habar alǵan. Bul týraly lenta.ru jazady, dep habarlaıdy Qamshy.kz aqparat agenttigi.
Qylmyskerler úkim shyǵa sala óltirildi, al muny kórýge myńdaǵan adam jınalǵan.
Aıyptylar alańǵa júk kóligimen jetkizildi. Ár qylmyskerdi qara kózildirik kıgen tórt ofıser qorshaýǵa alǵan. Alańǵa jınalǵan jurt ólim jazasyn uıaly telefondaryna túsirip aldy.
Qytaı jyl saıyn birneshe adamdy ólim jazasyna kesip otyrady. Onyń kóbi memlekettik qupıa retinde saqtalyp, syrtqa jarıa etilmeıdi. Dui Hua Foundation quqyqqorǵaý uıymynyń málimetinshe, 2016 jyly elde 2 myńǵa jýyq qylmysker ólim jazasyna kesildi.
