Qazaqstandyq rekordtar týraly qyzyq aqparat jazǵym keledi, biraq jazatyn túk joq deıdi. Mine daıyn rekord. Ózgeniń balasyn ózimniń balam dep baqqan. 350 balany tárbıelegen. 100 balasyna joǵary bilim alyp bergen. Onyń 10-y magıstratýrany bitirgen. 26-y joǵary oqý oryndarynda oqýda. Ekeýi Qytaıda bilim alǵan. 74 ret qudaǵı atanyp, úılený toıyn ótkizdi. Onyń ishinde 26-y ulyn úılendirip, 48 qyzyn uzatqan. Bireý balalar úıi ǵoı, munda qaıdaǵy rekord deýi múmkin. Ádettegi balalar úıinen aıyrmashylyǵy bar. Balalar úıine qaraǵanda munda otbasylyq, analyq meıirim, jylý bar. Balalar úıiniń basshylary ár balanyń toıyn jasap, quda-qudaǵı bolyp tórde otyrmaıdy. Bul rette Tuıaq Qazkenqyzyn 350 balanyń anasy dep ataýǵa ábden laıyq. Endi rekord demeı kórińiz.
Aıtpaqshy, Tuıaq Qazkenqyzynyń erligi týraly biz de qoǵamǵa aıtýdy bastadyq. Telearnalardan ol kisi týraly jarnamalyq rolıkter júrip jatyr. BAQ-da ol kisi týraly materıaldar shyǵyp, óńirlerde kezdesýler ótkizilmekshi. Esterińizde bolsa byltyrǵy jyly bank tarapynan óz kúshimen jetistikke jetken, aınalasyn ózgertýge talpynǵan qarapaıym qazaqstandyqtardyń jetistik pen jeńis jolyn jarnamalaıtyn kampanıa bastalǵan bolatyn. Onyń birinshi keıipkeri Marat Jylanbaev bolǵan edi. Ondaǵy oıymyz jastar úlgi tutatyn jandy alystan, shetelden izdemesin, óz qaharmandarymyzdy áspetteý.
Úlgi tutatyn jan alysta emes. Marat Jylanbaev, Tuıaq Qazkenqyzy syndy jandar sonyń dáleli.
Erbol Azanbek (Facebook paraqshasynan)
