Ult portaly tanymal prodúser Baıan Maqsatqyzynyń ákesi – tarıhshy, túrkolog, mádenıettanýshy Maqsat Muhıtdenovtiń hatyn jarıalady, dep jazady Qamshy.kz aqparat agenttigi.
Hatta prodúserdiń ákesi qyzyna qatysty jazylǵan jaǵymsyz pikirlerge jaýap qaıtarǵan. 71-ge kelgen Maqsat Muhıtdenov ózin «adamdardyń sýqany súımeıtin Baıannyń ákesimin» dep tanystyrdy. Sońǵy kezderde Baıan Maqsatqyzynyń «Qozy Kórpesh – Baıan sulý» eposyna túsirgen serıalyna qatysty "qazaqqa jasalǵan qıanat" syndy synı pikirler tarady. Sol pikirlerdi sholyp shyqqan Maqsat myrza birazyna jaýap berýdi jón kórdi. Hattyń qysqasha mazmuny tómendegideı:
«Eshkim “Qozy Kórpesh-Baıan sulý” eposyna qıanat jasaǵan joq. Bul epostyń 12-15 shaqty nusqalary bolsa kerek, bashqurt, altaı tilindegilerdi sanamaǵanda. Meniń ózimde 8 varıanty bar. Sol varıanttardyń negizinde “Qozy Kórpesh-Baıan sulý“ degen 6 serıalyq teleserıal túsirildi. Al epostarǵa qıanat jasaý úshin olardy bilmeý kerek. Fılmniń senarıin jazǵan adam jyrdyń varıanttaryn bilmedi dep aıta almaımyn.
Menińshe, bireýdi naqaqtan-naqaq kúıdirmeý úshin, aıtyp turǵan adam saýatty bolý kerek, naǵyz aqıqatyna júginsek, kitáp oqýy kerek.
Gúlmárıa Barmanbekova, mine sizdiń sózińiz: “Baıannyń aýzyna “Qodarǵa tımeımin, áke-sheshemniń ózi tıip alsyn” degen sóz salypty. Al orıgınalǵa kelsek: ”Etegimdi jel ashyp júrgen emen, Qozykeden basqaǵa kúlgen emen. Áke neke qı daǵy tike óziń al, Elden býra salǵandaı ingen emen. Áke, neke qı daǵy tike óziń al, Elden aıǵyr salǵandaı baıtal emen”. Babalar sózi. “Qozy Kórpesh – Baıan sulý”. Molla Rahym nusqasy. 127 bet. Al shyndyq qaıda jatyr – jyrdy ardager jýrnalıs bile me, álde senarıst bile me?! “Qýyrdaqtyń kókesin – túıe soıǵanda kóresiń”. Bul paıymdaýlar jýrnalıs Anar Tóleýhanqyzyna tıesili. Biraq sol Sultan Qadir zamandasym aıtqan “órekpe sóz, dańǵoı tujyrym»: “Qarabaıdyń aldynda uzyn shapandaryna súringen maýyzdaı 3 erkek oıbaılap jatyr. Otardan 5-6 qoı urlanypty. Kárine mingen baı úsheýin de uryp-soǵyp, taýyp orny toltyrylmasa, aqysyn ónidiretinin aıtyp sabap jatyr. O zamanda, bu zaman bir otar qoıdy 3 adam baǵyp, qoı aldyrǵanyn kim estigen? Al osy jerde Baıan ákesine sóıleıdi. «Ózderi óleıin dep júrgen jalańaıaq kedeıdiń qaı malyn almaqsyń?» Boıjetken qyzdyń ákesine emes, myńǵyrtyp mal aıdatqan baı balasyna oıyn óktem jetkizetin bir eldiń anasy - úlken aqyl ıesi báıbisheniń, oralymdy oıyna mańyndaǵy jurttyń tynyshtyǵy birinshi oralǵanda sheshe ǵana kóp kózinshe tilip aıtar sóz. Baıannyń sózi dep tyńdaı almaısyń. Ol azdaı «urylardy artynan qýyp, tartyp alý kerek» dep óńmeńdep, ákesin tyńdamaı atqa qonyp, tasyrlap, jolyndaǵysyn japyryp, úlken-kishini jasyna qarap aıyrmaıtyn, at tósimen kimdi de bolsa qaǵar eserleý, ákesine túıeden túskendeı qatty sóılegen beıádep Baıan men jyrdaǵy Baıan arasyn salystyra oılaýdyń ózi kúnádaı», - dep prodúserdiń ákesi jyrdan dálelderdi keltirýdi tyrysqan.
«Gúlmárıa Barmanbekova. «Qozy Kórpesh-Baıan sulý» serıalyndaǵy Baıan rólin oınaǵan qyzdyń bolmys-bitimine baılanysty áleýmettik jelidegi kópshiliktiń synyna Ereke degen bir baýyrymyz mynandaı pikir qaldyrypty: «…sulýlyq standartyn ornatýǵa eshkimniń quqyǵy joq. Fılmge túsken qyzdyń túr-álpetin plıntýstan tómen túsirip, mundaı post jazǵanyńyz jıirkenishti! Baıan sulýdy óz kózińizben kórgen sıaqty sóıleý ne nárse bul… Shetelge uıat demeı-aq qoıaıyq, shetel bizdiń epostar turmaq qazaq eli bar ekenin endi estip jatyr». Gúlmárıa Barmanbekova, bolmys bitimge baılanysty kópshiliktiń syny emes, sizdiń jeke synyńyzǵa qarsy aıtylǵan Erekeniń pikiri bolatyn jáne de ádiletti pikir edi. Siz - jýrnalıssiz, ardager jýrnalıssiz, kınoda Baıannyń rolin somdaǵan aktrısany qaıta – qaıta qorlaýǵa quqyq bergen kim? Jýrnalısik etıka degen degen uǵym bar emes pe? Keltire keteıin «… Sanasy jalańash, janary oısyz, ádepten jurdaı, betiń bar júziń bar demeı, orynsyz aýyzeki tilmen sóıleı salatyn, jalǵap alǵan jasandy kirpigi jalpyldap, tasyrańdaǵan tańqy tanaý qara qyz - serıaldaǵy Baıan osyndaı», - dep ashyndy Maqsat Muhıtdenov jýrnalısiń aıtqan sózderine.
Sondaı-aq ardager jýrnalıs Gúlmárıa Barmanbekovanyń teńeýlerin adamnyń jeke basyn qorlaý dep sanap, zań júzinde saraptalatynyn da eskertti.
«Hosh, endi barlyq pále meniń qyzym Baıannan ekenine ımanyndaı senetin Qazybek myrzaǵa keleıik. "Baýyrym" dep aıta almaımyn, oǵan sebep kóp, tipti túrińizden de kórip turmyn baýyr emes ekendigimdi. Ókpelemeńiz, ózekjardymyzdy máımóńkelemeı betke aıtatyn tuqymnanbyz. Sizge Baıan sonshama ne istedi? Bir emes, eki emes «Qazaq úni» degen gázıtińiz Baıandy popýlızasıa/pıar jasaýda aldyna qara salmaı keledi, «Baıannyń botqa shoýy ma, taǵy da basqa ádemi, júrekke jyly tıetin ataýlarmen». Al osy joly tipti erledińiz! Ońaı emes qoı, «Baıanǵa Baıandy qorlatpaımyz, Baıan rýhanıatymyzdy óshirýde» dep urandatyp turǵan, ózińiz búgin ǵana maqtanǵandaı, úsh júz qol jınaý, jol bolsyn!. Biraq rahmetimdi de aıtyp keteıin, Baıanda búgin eki mıllıon toǵyz júz myń podpıschık bar edi, myna sizdiń qazaq rýhanıaty úshin janqıarlyqpen, talmaı istep jatqan deldaldyǵyńyzdyń arqasynda, erteń úsh mıllıon bes júz myń podpıschık bolatynyna senimim mol», - deı kele hat sońyn "Sharshatty, boldym..." dep aıaqtady.
