Áleýmettik jelide juldyzǵa aınalǵan Aıjan Baızaqova ózin zorlap, soqqyǵa jyqty degen sózderdi joqqa shyǵardy, dep habarlaıdy Qamshy.kz aqparat agenttigi.
Aıjan Baızaqova bul jaıynda óziniń Telegram-kanalynda málimdedi.
«Kóp adam maǵan júdep ketipsiń dep jatyr. Men sońǵy kezderi kóp oılanǵandyqtan birshama júdep qaldym. Alaıda, men qaıtadan salmaq jınap, óz-ózime kelemin. Maǵan eshkim de tıisken joq», - deıdi ol.
Aıjan Baızaqovanyń aıtýynsha, onyń áleýmettik jelidegi paraqshalaryn buǵattap tastap kúresýdiń qajeti joq. «Eń durysy, meni qazaq jigitke turmysqa berińder. Bir jyldan keıin barlyq basy bos jáne baqytty áıelderdi jek kórip ketemin. Sondyqtan maǵan kúıeý izdeńder», - dep jazady ol.
Sonymen qatar, ol ózge adamdar ony qalaı qorqytyp, qandaı sózder aıtqandyǵyn atap ótti. «Meni órtep jiberemin degender boldy jáne de óltirip, baýyzdap tastaǵysy keletinder de kóbeıdi. Menimen ǵana qoımaı, týystarymdy da jazalaımyz dep jazdy. Sheshinip, jaman sózder aıtý – jaman qylyq ta, al adam óltirý jaqsy bolǵany ma, sonda?», - deıdi Baızaqova.
