QR azamattyq qoǵam jáne din isteri jónindegi mınıstrliktiń Feısbýktegi paraqshasy zańdy nekeniń mańyzy týrasynda áleýmettik rolık jarıalady, dep habarlaıdy Qamshy.kz aqparat agenttigi.

Onda sharıǵat sharty boıynsha neke qıǵan erli-zaıyptylardyń ómiri, dinı aǵymdarǵa kirip, túbi adasqan otaǵasynyń áreketi kórsetilgen.

Qazaqstandyq jastar arasynda sharıǵat dástúri boıynsha qıylǵan nekeler sany kóbeıip keledi. Sharıǵattyń keıbir erejeleriniń zaıyrly ǵuryptardan túbegeıli aıyrmashylyǵy bar. Mysaly, toıǵa deıin kezdesýge bolmaıdy, al úılenýge tek ata-analardyń nemese qamqorshylardyń kelisimimen ǵana bolady. Dinı saýatsyzdyq pen moraldyq-adamgershilik qaǵıdalardyń álsizdigi saldarynan keıbir musylmandar sharıǵatty óziniń paıdasyna qaraı qoldana bastaıdy. Osylaısha zańmen qorǵalmaǵan osy syndy nekelerde áıelder ózderiniń konstıtýsıalyq quqyqtaryn qorǵaı almaı jatady.

«Qazirgi ýaqytta qoǵamda sharıǵattyń sharttaryn oıynshyq qylyp, jas qyzdardy aldap, óz nápsisiniń qalaýyn oryndaý úshin bilgenin istep júrgen destrýktıvtik dinı aǵymdarǵa ergen azamattar bar ekeni ras. Ony kúndelikti oqyp, estip júrmiz. Jas qyzdarymyzdyń osyndaı jigitterdiń aıtqanyna júrip, aıdaǵanyna kónip, aqyry eshkimge kerek bolmaı dalada qalýy oılanarlyq jaıt», - delingen vıdeorolıktiń habarlamasynda.