Elbasy Nursultan Nazarbaev Halyqaralyq mamandandyrylǵan EXPO-2017 kórmesiniń kommısary qyzmetin atqarǵan Rápil Joshybaevty qyzmetinen bosatty dep habarlaıdy Qamshy.kz aqparat agenttigi.  

Aıta keteıik, Rápil Joshybaev 2013 jyly Memleket basshysynyń jarlyǵymen EKSPO-2017 Halyqaralyq mamandandyrylǵan kórmesiniń Komısary bolyp taǵaıyndalǵan.

1993 jyly Qazaqstan Respýblıkasy Syrtqy ister mınıstrliginiń Halyqaralyq ekonomıkalyq qatynastar basqarmasynyń úshinshi hatshysy, ekinshi hatshysy. 1996 jyldan – Qazaqstan Respýblıkasy Syrtqy ister mınıstrligi TMD departamentiniń bólim bastyǵy boldy.

1998 jyldan – Qazaqstan Respýblıkasynyń Baltyq elderindegi Elshiliginiń birinshi hatshysy, keńesshisi.

2000 jyldyń tamyzynan – Qazaqstan Respýblıkasy Prezıdentiniń Protokol qyzmeti bastyǵynyń orynbasary.

 2003 jyldyń shildesinen – Qazaqstan Respýblıkasy Prezıdenti Ákimshiliginiń Konfesıaaralyq qatynastar jónindegi bóliminiń meńgerýshisi.

2004 jyldyń qazanynan Qazaqstan Respýblıkasy Syrtqy ister mınıstriniń orynbasary.

2007 jyldyń qazan aıynan 2013 jyldyń mamyr aıyna deıin - Qazaqstan Respýblıkasy Syrtqy ister mınıstrliginiń jaýapty hatshysy. 2011 jyly Astana qalasynda EKSPO-2017 Halyqaralyq mamandandyrylǵan kórmesin ótkizý quqyǵyna ótinimin jyljytý jáne ilgeriletý jónindegi ulttyq úılestirýshi bolyp taǵaıyndalǵan. 2013 jyldyń 24 mamyr kúni Elbasynyń ókimimen Qazaqstan Respýblıkasy Syrtqy ister mınıstriniń birinshi orynbasary bolyp taǵaıyndaldy.