Ókpesiz qazaq emespiz, bárimiz de nazymyzdy, kinámyzdy taǵa salýǵa daıynbyz. Artymnan ergen inim edi ol meniń. Ónerge Narynqoldan ózim jetelep kelip, bir aı janymda alyp júrip, daıarlap, ózim oqyp oqýǵa túsken monologty jattatyp, ınstıtýtqa túsýine septigim tıip edi. Aýylda meniń anamnyń qolynda boldy, Áke-sheshesimen anam óte jaqsy aralasty. Pendeshilik ókpe aıtsam, meniki de bir esekke júk bolady. Tipti ustazymyz Tuńǵyshbaı aǵamyz jaıly da pikirimiz eki bólek. Biraq, qyzmetti bergen men emes, ondaı aýyr júkti arqalap, ákem teatrdyń basynan sóz asyrmaıtyn talaı dúldiliniń kóńilin taýyp, otyz jyl burynǵy ataǵynyń býymen aýyzdyǵa sóz, aıaqtyǵa jol bermeı júretin pańdarynyń tigisin jatqyzyp, ǵımarattyń ystyq-sýyǵyn, otyn-sýyn túgendep júretin azapty onyń ózi de qalamaǵan shyǵar.
Otyryp alyp, shoq úrlep, "Tuńǵyshbaıǵa óstip edi, ózine de sol kerek!" - degender de júr. Ony Tuńǵyshbaı aǵa kórsin, estisin degendeı ádeıi silteme jasaı aıtyp jatqany da bar. Men de sol Tuńǵyshbaıdyń shákirtimin. Ustazymyz bizdi bireýdiń basyndaǵy boqty kórseń baıbalam sal dep oqytqan joq. Onyń boıyndaǵy tektilik, óshi ketse de órekpı jóneletin pendeshilikten alys, ondaı las pıǵyldan joǵary. Ustazymyzdyń alysar dushpany Siz ben bizdiń deńgeıde de emes!
Tórt qubylań teń turǵandaı, óner adamynyń birine sóz erse, órshelene ketkendi qoıý kerek qoı endi. Paraqordy ónerden izdegenshe, órge qarasańdarshy. Jerińdi satyp, benzınińdi qymbattatqan, munaıyńdy syrtqa satyp, tilińe qastyq jasaǵan ónerpaz emes. "Jyrtyq - tesikke kúliptiniń" keri bul.

Asqar Naımantaevtyń Facebook-taǵy jeke paraqshasynan alyndy.