Túrkimenstanda 2017 jyldyń jeltoqsan aıynan bastap áıelderge kólik júrgizýge tyıym salyndy dep habarlaıdy Qamshy.kz aqparat agenttigi centralasian.org-qa silteme jasap. Jeltoqsanda ınspeksıa qyzmetkerleri zańdy buzǵan áıelderge bastapqy kezde eskertý jasaǵan. Odan keıin aıyppul salyndy.

Aqpanda polıseıler kólikti tizgendegen áıelderdiń kýáligin tartyp alyp, kóligin aıyppul alańyna jibergen.

«Bastapqy kezde bul aqparatty qaljyń retinde qabyldadym. Biraq onyń rastyǵyna kóz jetkizdim. Qazir áıelder kólik júrgizýge qorqyp qaldy. Sondyqtan olardy kúıeýleri qajetti jerge jetkizip júr» deıdi Ashhabad turǵyny.

Jumysqa óz kóligimen keletin memlekettik mekeme qyzmetkerlerinen «rólge otyrmaımyn» degen qolhat alyp alǵan.

5-shi jeltoqsanda İİM Isgender Mýlıkov Túrkmenstan prezıdentine jol apaty týrasynda aqparat jetkizgen. Oǵan sáıkes, jol apaty kóbine áıelderdiń kesirinen bolady eken. Prezıdent mınıstrge «jaǵdaıdy túzeýge» tapsyrma berdi.