Halyqaralyq daǵdarys uıymy álemde 2018 jyly qaqtyǵyc ornaýy múmkin 10 aımaqtyń tizimin jarıalady. Bul týraly Qamshy.kz aqparat agenttigi habarlaıdy.
- Soltústik Koreıa
KHDR sátti ıadrolyq synaqtar júrgizip, zymyrandaryn ushyryp jatyr. Osyǵan baılanysty Vashıngton Phenánǵa barǵan saıyn qaýipti jaýap qaıtarýda. AQSH sanksıalaryn odan saıyn qataldandyryp jatyr. Phenándy qarýsyzdandyrýǵa tyrysý sıaqty qandaı da bir qarsylyq áreket osy aımaqta soǵystyń bolýyna áser etýi múmkin.
- AQSH pen Saýda Arabıasy Iranǵa qarsy
AQSH pen Saýd Arabıasynyń oıynsha, Iran óziniń yqpalyn Sırıa, Irak, Iemende nyǵaıtqysy keledi. Sondyqtan, Vashıngton men Er-rıad qajet bolsa, Tegeranǵa qarsy qol biriktirmek. Dıplomatıalyq sanksıalar kúshke enýi múmkin.
- Mánma men Bangladesh
Rakha shatyndaǵy áskerı qımyldar tamyz aıynyń sońynda Rohınja musylmandarynyń Bangladeshke oıysýyna ákeldi. Bosqyndar lagerlerin qarjylandyrý aqpan aıynda toqtatylady. Bul jaǵdaı Bangladeshtegi saıası jáne ekonomıkalyq jaǵdaıdy ýshyqtyrady. Al Mánmada «Ar-rakan Rohında» qarýly toby belsendilik tanytýy múmkin.
- Iemen
Qazir munda 8 mıllıon adam surapyl ashtyqtyń qarsy aldynda, holera dertimen aýyryp jatqandar sany 1 mıllıonnan asyp jyǵylsa, taǵy 3 mıllıon bosqyn sergeldeń kúı keshýde. Munyń barlyǵy Iemen prezıdenti men Hýtı ereýilshilderi arasynda ornaǵan qaqtyǵystyń saldary. Iemen prezıdentin Arab kolasıasy qoldasa, ereýilshilderdi Irannyń sheıttikteri qoldaıdy.
- Aýǵanstan
Aýǵanstanda Talıbterge qarsy áreketter júrgizilip jatyr. 2004 jyldan bastap elde ótken parlamenttik, prezıdenttik saılaýlar daǵdarysqa alyp kelgen. Talıbtermen qaqtyǵys úlken soǵys oshaǵyna aınalýy múmkin.
- Sırıa
DAISH terrorısteriniń jartylaı jeńiliske ushyraýy olarǵa qarsy soǵys tolyq aıaqtaldy degen sóz emes. Aman qalǵan terrorıster kúsh biriktirip Soltústikke shabýyl jasaýy múmkin.
- Sahel
Afrıkalyq aımaq birneshe jyldar boıy qaqtyǵystar mekenine aınalǵan. Sonymen birge, Islam terrorıster toby tarapynan zorlyqqa dýshar bolyp jatyr.
- Kongo Demokratıalyq Respýblıkasy
Byltyr prezıdenttik etý merzimi aıaqtalǵan prezıdent áli de óziniń yqpalyn memleketke júrgizip jatyr. Osyǵan baılanysty elde qarsylyq sherýler men ereýilder jıi bolyp turady.
- Ýkraına
Eldiń shyǵysynda qaqtyǵystar saldarynan 10 myńnan asa adam zardap shekti. Seperatıster tarapynan baqylanyp jatqan aýmaqtar Máskeýge táýeldi. Ýkraınanyń ózinde Mınskidegi kelisimsharttarǵa baılanysty kóńil tólmaýshylyq baıqalady.
10. Venesýela
El prezıdenti Nıkolas Madýro men memleket opozısıasy arasyndaǵy qaqtyǵystar kúnnen-kúnge ósip jatyr. Elde gýmanıtarlyq jaǵdaıdyń nasharlaýy oryn alýy múmkin.
