Melanı Gýdvın 40 jastaǵy áıel. Kishkentaı kezinde zorlyq zombylyq kórgennen Melanı óse kele psıhologıalyq aýrýǵa ushyraǵan. Melanı 40 jasta bolsa da ár túrli jastaǵy qyzdar keıpine enedi. Birde 3 jasta bolsa, birde 16 jastaǵy boıjetken qyzdyń qylyqtaryn isteıdi. Melanıdiń psıhologıalyq aýytqýyn dárigerler zerttep keledi.

Otbasyndaǵy qıynshylyq Melanıdiń esine bárin túsirdi. Kenetten Melanı óziniń ishinde qansha adam ómir súrip jatqanyn túsindi. Birte-birte Melanı kishkentaı kezinde kórgen zorlyq-zombylyqty esine túsirdi: aldymen 3 jastaǵy balaǵa qatysty, sosyn 16 jasqa deıin.

«Mende eshqandaı dálel joq, biraq men qazirgi shyndyqpen ómir súrýim kerek»,- deıdi ol.

Melanıdiń bul qylyǵy kezdeısoq emes. Melanı dıssosıatıvti buzylysyna shaldyqqan. Osy ýaqytqa deıin dıssosıatıv «birneshe bólingen jeke tulǵa» dep atalyp kelgen bolatyn.

Melanı ózin «men» deýdiń ornyna «biz» deıdi. «Biz árqaısysymyz óz ómirin basqaryp júrgen toǵyz adamnan turamyz. Biz balalyq shaqta bolǵan zorlyq-zombylyqty eske túsirýge tyrysamyz»,- deıdi Melanı.

Dıssosıatıvti sáıkestilik buzylysy kezinde  ómir tozaq sıaqty kórinedi deıdi Melanı. Bul qarapaıym, ózderin jaqsy sezinetin adamdardyń ózindik ımıjdiń tolyǵymen buzylýy.

Birneshe adam ómir súrip jatqanyn kenetten túsine bastaıdy. Bilgennen keıin adam ishinde bir-birimen arpalys bastalady. Ýaqyt óte kele  adam onymen kúresýge bolatyndyǵyna kóz jetkizdi.

Melanımen dárigerler ózderi sóılesedi. Remı Akvaron atty dáriger Melanıdi ózi qarap, emdep júr.

30 jyldan asa zerttep kele jatqan Akaron osyǵan uqsas  júzdegen naýqastarmen jumys istegen. Kóptegen jaǵdaılarda  bala kezinde eresekterden zorlyq-zombylyqtan zardap shekken eresekter ushyraıdy.

Eger bala bir jylda  zorlyq-zombylyqty qaıta-qaıta  kórse, túrli eresekterden zardap shekse, onda sol ýaqyttaǵy  ártúrli adamdar paıda bolýy múmkin deıdi dárigerler.

Bul naýqastarǵa  kómektesýge bolady, biraq olar maman basshylyǵynyń kómegimen psıhologıalyq qalpyna keledi.

Melanıdiń aıtýynsha, adamdarmen, dárigerlermen jaqsy aralasý úshin bizge sol kisilerge degen senim kerek.

Melanıdiń ómiri birte-birte jaqsaryp keledi. Biraq ol  kúıeýimen serýenge baraǵanda, keıbir qıyndyqtardy bastan keshirgende,  kez kelgen ýaqytta 16 jastaǵy kirpıaz Melanı bolyp qalady. Al 8 jasataǵy  Melanı súıikti oıynshyǵyn kórgen kezde  kishkentaı qyzǵa aınalady.

Melanıdiń ishinde  ártúrli tulǵalary áli de bar. Biraq olar beıbit qatar ómir súrip keledi.

«Biz - bir emespiz, biraq biz tatý ómir súremiz dep kelistik», - deıdi Melanı.