Keshe Kabýldaǵy Intercontinental qonaq úıine shabýyl jasalyp, 43 adam mert boldy. Olardyń arasynda 1978 jylǵy Qazaqstan azamaty da bar dep jazady Qamshy.kz aqparat agenttigi caravan.kz-ke silteme jasap.

Kýágerlerdiń aıtýynsha, qylmyskerler kúzetshini atyp óltirip, ǵımaratqa as úı arqyly ótken. Polıseıler 17 saǵat boıy ekstremısterdi ǵımarattan shyǵaryp, tutqyndardy bosatý úshin kúresti. Sonyń nátıjesinde, shabýyldaǵan alty adamnyń kózi joıyldy. 150 tutqyn bosatyldy. Onyń 40-y shetel azamattary men qonaqúı qyzmetkerleri.

Shabýyldy Talıban qozǵalysy óz moınyna aldy.

Buǵan deıin de Qazaqstan azamattary shetelde terakt saldarynan kóz jumǵan.

2001 jyly 11 qyrkúıekte AQSH-taǵy terakti

2001 jyly 11 qyrkúıekte AQSH-ta bolǵan teraktide 19 terrorısten bólek, 2977 adam qaza tapty. 24 adam habar-osharsyz ketti. 6300 zardap shekti.

Qaıtys bolǵandardyń arasynda Qazaqstan azamatshasy Janetta Soı da bar edi. Ol saýda ortalyǵynda ornalasqan «Marsh» kompanıasyna jumys isteıtin.

«Nord-Ost» múzıkl kezindegi terakti, 2002 jyl

Terakti eki kúnge sozyldy. 23-26 qazan aralyǵynda qarýly top Movsar Baraevtyń basshylyǵymen «Nord-Ost» teatryna kelgen kórermenderdi tutqynda ustady.

Tutqynǵa alynǵan adamdardyń sany 916 boldy. Resmı derekterge sáıkes, 130 adam kóz jumdy. Al «Nord-Ost»  qoǵamdyq uıynyń málimetinshe, 174 adam mert bolǵan. Olardyń arasynda 13 jastaǵy Aleksandra Lıtága esimdi Qazaqstan azamatshasy da bar. Tutqyndardyń arasynda tórt Qazaqstan azamaty bolǵan.

Kabýldaǵy shabýyl, 2015 jyl

«Park Palace Hotel» qonaqúıindegi terorıstik shabýyl 2015 jyly 13 mamyrda sheteldikterge arnalǵan konsert kezinde boldy.

Talıban sodyrlarynyń shabýylynan 5 adam opat boldy. Onyń ishinde Qazaqstan azamatshasy Áıgerim Abdýllaeva bar.

QR SİM málimetinshe, Áıgerim Abdýllaeva 1987 jyly dúnıege kelgen. Áıgerim kúıeýimen Aýǵanstan astanasynda turyp jatqan. Kúıeýi – Italıa azamaty. Ol Aýǵanstannyń ındýstrıa jáne saýda mınıstrliginde sheteldik keńesshi qyzmetin atqarǵan.

Nıssede 2016 jyly júk kóligi bir top adamdy qaǵyp ótti

2017 jyly 15 shildede Nıssede Fransıanyń ulttyq kúni toılanyp jatqanda júk kóligi bir top adamdy qaǵyp ótken. Odan keıin atys bolǵan. Shabýyldy DAISH terorıstik toby moınyna aldy.

Terakti nátıjesinde, 308 adam jaraqattandy. Kóz jumǵan 87 adamnyń qatarynda Qazaqstannyń 4 azamaty bar. Olar – 1956 jyly týǵan Lúbov Panchenko, 1983 jyly týǵan Marına Panchenko, 2013 jyly týǵan Sılvıa Panchenko jáne 1959 jyly týǵan Natalá OTTO.

Sankt-Peterbýrgtegi jarylys, 2017 jyl

2017 jyly 3 sáýirde eki metro stansıanyń arasynda jarylys boldy. Sońǵy aqparatqa sáıkes, 14 adam mert boldy, 49 adam zardap shekti.

Reseılik BAQ-ta qazaqstandyq 22 jastaǵy Maksım Aryshevtiń teraktige qatysy bar degen aqparat shyqty, alaıda Qazaqstannyń Ulttyq qaýipsizdik komıteti bul aqparatty joqqa shyǵardy.

Keıinirek Maksım Aryshevtiń opat bolǵany anyqtaldy.

2017 jyly Kabýldaǵy jarylys

2017 jyly 31 mamyrda prezıdent saraıy men sheteldik elshilikterdiń mańynda jarylys boldy. Kóp ǵımarat qırady.

150 adam kóz jumdy, 600 adam túrli jaraqatpen aýrýhanaǵa jetkizildi. Onyń ekeýi – Qazaqstan azamattary.

Avtor: Fedor Nedelko