Qazaq feısbýginiń aıtpaǵan sóz, shıyrlamaǵan taqyryp, timiskilenbegen jeri qalmaǵan-aý... Jón delik. Búgingi qazaq FB-synan "Áline qaraı júgirgen" alýan júıriktiń únin estısiń. Bireýler el muratyn muńdap "bozdasa", bireýler qara basynyń qamyn oılap "ulıdy". Áldekim (tektiliktiń juqanasy bar bolý kerek) adamdyq bekzat bolmys izdep "kisineıdi", endi biri orysqa qarap "qyńsylap", qazaqqa qarap "úredi". Taǵy bireýler Batysqa qarap "ańyraıdy", ony jaqatpaǵannyń keıbiri arabqa, bázbiri túrikke japaqtap "móńireıdi"... Qalǵanynda ún joq. Demek, men tanyǵan qara qazaqtyń talǵamsyzy kóp...

Qazaq qarly boranda yqqan qoıdaı ıirilip tur. Qaı daýys kep qaıyryp, tyqsyryp aıdasa, sonyń qorasyna kirip yqtamaq. Odan keıin olar ózderi qalaǵan óriske órgizedi degen sóz. Buıyrtsa olar 15-20 jyldan keıingi qazaqtar. Al, ana únderdiń qaı-qaısysy osy mejege umtylyp otyr. Demek, búginnen bastap qam qareketke kóship, óz únimizdi taýyp alaıyq...

Al, "Máńgilik elde" kimniń úni qalar eken?! Oılan, shyraq!

(Orazbek Saparhannyń FB paraqshasynan)