Orystildi ortaǵa tanymal, alaıda qazaqtildi aýdıtorıaǵa beıtanys bıznesmenderdiń qarasy qalyń. Biri áleýmettik jelide tanymal bolsa, endi biri óz ortasynda, ıaǵnı kásipkerler arasynda bedeldi.

Qamshy.kz aqparat agenttigi elimizdegi orystildi aýdıtorıaǵa belgili bıznesmenderdiń tizimin usynady. Aqshany ózine jumys istete bilgen tulǵalardyń ishinde qara jumystan bastaǵandar da, muragerlikpen áke jolyn jalǵaǵandar da bar.

Qaırat Qudaıbergen

Quramyna úsh qurylys kompanıasy, IT kompanıa  kiretin Q3 Worldwide holdıńiniń negizin salýshy. Qarapaıym aýyl balasy óz eńbeginiń arqasynda jetistikke jetip, iri bıznesmen atandy.

Sonymen qatar Qaırat Qudaıbergen  qaıyrymdylyqpen de aınalysady. Aqtóbedegi sý tasqynynda zardap shekken otbasyǵa páter syılap, eldi eleń etkizgen bolatyn.

Óziniń Instagram paraqshasyn kóbinese orys tilinde júrgizedi.

Erjan Ráshev

Bloger jáne telejúrgizýshi. Thomson Reuters kompanıasynyń Qazaqstandaǵy aımaqtyq menedjeri. Bul kompanıa qarjylyq uıymdarǵa, iri korporasıalarǵa, onyń ishinde valúta naryǵynda, qor bırjalarynda saýda jasaıtyn munaı-gaz kompanıalaryna aqparattyq-analıtıkalyq qyzmetterdi satady.

Erjan Ráshev Facebook jelisinde tanymal. Onyń 30 myńnan astam oqyrmany bar. Óziniń blogtaryn orys tilinde júrgizedi.

Armanjan Baıtasov

Bıznesmen, «Megapolıs» , «Bıznes ı vlast gazetteriniń negizin salýshy, 31 arnanyń negizin qalaýshy jáne jetekshi iskerlik «Forbes Kazakhsatan» basylymnyń baspageri, United Media Group basshysy, kásibı jýrnalıs, Young Presidents Organization múshesi.

Muzzone, NBT (Bishkek, Qyrǵyzstan) televızıalyq kanaldarynyń tolyqqandy ıesi.

Medıa salasynda jetistikke jetip júrgen bıznesmen retinde málim.

Beıbit Álibekov

Qazaqstan teleradıo habarlaryn taratý qaýymdastyǵynyń jetekshisi, Bentley Kazakhstan klýbynyń negizin qalaýshy. Quramynda birneshe tanymal jýrnal, telearna, radıo, agenttik jáne sandyq agenttikteri bar First Media Group medıa holdıńiniń basshysy.

Hacket London aǵylshyn brendiniń jáne Vertu sándi gadjetteriniń ambassadory.

Asqar Baıtasov

Elimizdegi aldyńǵy qatarly meıramhanalar jelisi sanalatyn AB Restaurants kompanıasynyń dırektory. Óz bıznesin otbasylyq meıramhanada barmen bolyp bastaǵan. Birneshe jyldan keıin «Kofemanıa», Del Papa ıtalán asqanasy men «Krýjka» baryn, «Daredjanı» grýzın asqanasyn ashqan. Al AB Restaurants-tyń jyldyq tabysy – 6-7 mlrd teńge.

Nurlan Smaǵulov

Tanymal bıznesmen, Jańa Zelandıanyń Qazaqstandaǵy qurmetti konsýly, mesenat.

Quramyna «Astana Motors» pen Mega Development kiretin Astana Group kompanıasynyń ıesi.

Qazaqstandaǵy Hyundai avtomobılderi men komersıalyq tehnıkasynyń resmı dıstrıbútory, Qazaqstandaǵy Subaru resmı dıstrıbútory, Qazaqstandaǵy BMW, Mini, Rolls-Royce eksklúzıvti ımportshysy.

Dınara Sátjan

Belgili telejúrgizýshi, Astanadaǵy Monoco qonaqúıiniń ıesi, otandyq dızaınerlerdiń dúkender jelisiniń ıesi, Jaguar Land Rover brendiniń Qazaqstandaǵy ambassadory.

2017 jyly Qazakhstan RTRK basqarma tóraǵasynyń keńesshisi laýazymyna taǵaıyndaldy.

«Mıssıs Qazaqstan – 2009» atanǵan Dınara Sátjan búginde bir ul, bir qyz tárbıelep otyr.

Serikbaı Bısekeev

Belgili bıznesmen, tálimger, Arman Holding-tiń negizin qalaýshy jáne prezıdenti.

Holdıń energetıka jáne telekomýnıkasıa salasyndaǵy ıntegrasıalyq sheshimderdi daıyndaýshy jáne jetkizýshi qyzmetterdi atqarady.

Holdıńtiń Reseı, Sıngapýr, Germanıa, BAÁ men Úndistan sıaqty elderde ókildikteri men ónimderi bar.

Bıznesmen  óziniń jetistikke jetý jolyn «Bári de óz qolyńda» kitabynda jazǵan.

Qýanysh Shonbaı

Qazaqstandyq tanymal restorator, «Rumi Group» meıramhanalar jelisiniń ıesi.

Sońǵy 2,5 jylda 10 meıramxana ashqan kásipker «Ekinshi bolma» kitaby arqyly qazaq tildi ortaǵa da tanyla bastady.

Tursyn Alagózov

1998 jyly GALANZ bottlers negizin qalaǵan. Al eń ataqty ónimi – Maxi Tea. Almatydaǵy «Analar  úıi» qorynyń qamqorshysy.

Tursyn Alagózov belgili prodúser Baıan Maqsatqyzymen otbasyn qurǵan.