Qazaqstandyq sportshylar toǵyz sport túrinen 57 olımpıadalyq lısenzıa aldy, dep habarlaıdy Qamshy.kz aqparat agenttigi QR Ulttyq olımpıadalyq komıtetiniń málimetine súıenip.
Eń kóp joldama bıatlonnan berildi, Qazaqstan quramasynda 10 sportshy Phenchhanǵa barady. Komandaǵa myna sportshylar endi: Vasılıı Podkorytov, Maksım Braýn, Vladıslav Vıtenko, Tımýr Hamıtgatın, Roman Eremın, Alına Raıkova, Dará Klımına, Galına Vıshnevskaıa, Olga Poltoranına jáne Elızaveta Belchenko. Qysqy Olımpıada oıyndarynda bıatlonnan myna saıystar ótedi: sprınt, izge túsý, jekeleı saıys, mass-start, aralas estafeta jáne estafeta.
Frıstaıldan el namysyn 9 sportshy qorǵaıdy (úsh er adam, alty áıel). Mogýl saıysynda Dmıtrıı Reıherd, Pavel Kolmakov, Iýlıa Galysheva jáne Aıaýlym Amrenova óner kórsetedi. Akrobatıkada jarys jolyna Marjan Aqjigit, Janbota Aldabergenova, Aıana Joldas, Aqmarjan Qalmurzaeva jáne Ildar Badrýtdınov shyǵady.
Shańǵy jarysynda jeti sportshymyz tizimge ilindi (tórt er adam, úsh áıel). Alekseı Poltoranın, Denıs Volotka, Evgenıı Velıchko, Vıtalıı Pýhkalo, Valerıa Túleneva, Anna Shevchenko men Elena Kolomına Phenchhanda medalǵa tartysady.
Short-trekten Qazaqstan quramasy jeti sportshyny Olımpıadaǵa aparady (bes er adam, eki áıel). Olar - Nurbergen Jumaǵazıev, Abzal Ájǵálıev, Denıs Nıkısha, Erkebulan Shamýhanov, Mersaıd Jaqsybaev, Anastasıa Kresova men A Iong Kım.
Kónkı tebýden Kannyndaǵy muz aıdynǵa alty sportshymyz shyǵady (bes er adam, bir áıel). Bul sport túrinen el namysyn myna sportshylar qorǵaıdy: Roman Krech (500, 1000 m), Stanıslav Palkın (500, 1000, 1500 m), Artem Krıkýnov (500 m), Fedor Mezensev (1000, 1500 m, mass-start), Denıs Kýzın (1000, 1500 m) jáne Ekaterına Aıdova (500, 1000, 1500 m).
Mánerlep syrǵanaýdan qazaqstandyq úsh sportshymyz saıysqa túsedi (bir er adam, eki áıel). Denıs Ten, Elızabet Tursynbaeva men Aıza Imambek óner kórsetedi.
Taý shańǵy sportynan Qazaqstan eki sportshyny tirkedi (er adam, áıel). Olar Igor Zakýrdaev pen Marıa Grıgoreva.
Shana sporty men tramplınnen sekirýden eki sportshymyz óner kórsetedi. El namysyn Phenchhanda Nıkıta Kopyrenko (shana sporty) men Sergeı Tkachenko (tramplınnen sekirý) qorǵamaq.
Esterińizge sala ketsek, Phenchhandaǵy qysqa Olımpıada oıyndary aqpannyń 9-25 aralyǵynda ótedi. Olımpıadanyń ashylý saltanatynda el týyn short-trekshi Abzal Ájǵálıev ustap shyǵady.
