Ál-Farabı atyndaǵy Qazaq ulttyq ýnıversıteti Shyǵystaný fakúltetinde bokstan Sıdneı olımpıadasynyń chempıony, halyqaralyq dárejedegi sport sheberi Ermahan Ybraıymovpen kezdesý ótti, dep jazady Qamshy.kz aqparat agenttigi.
Ál-Farabı atyndaǵy Qazaq ulttyq ýnıversıteti Shyǵystaný fakúlteti Qazaqstan Respýblıkasynyń Prezıdenti N.Á. Nazarbaevtyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna joldaýyn ýnıversıtetimizdiń «Aınalańdy nurlandyr» jáne «Salamatty ómir salty» atty ınovasıalyq jobalarynyń aıasynda Halyqaralyq dárejedegi sport sheberi, bokstan Qazaqstannyń eńbegi sińgen jattyqtyrýshysy, Sıdneı Olımpıadasynyń jeńimpazy, qazaq halqynyń maqtanyshy, ýnıversıtetimizdiń túlegi – Ybraıymov Ermahan Saǵıulymen kezdesý barysynda talqylaýǵa tústi.
Kezdesý barysynda QR Prezıdenti N.Nazarbaevtyń Qazaqstan halqyna Joldaýynda aıtylǵan: «Óziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis» degen tapsyrmasyn iske asyrýdyń kóptegen múmkindikteri qarastyryldy.
Sondaı-aq, salamatty ómir saltyn ustaný, Otanǵa, Týǵan jerge degen qurmep pen súıispenshilik, barsha azamzat balasyna degen izettilik pen syılastyqty negizge ala otyryp, Elbasymyzdyń naqtylap kórsetken «Rýhanı jańǵyrýdyń» mán-maǵynasy «mádenıetimiz ben ıdeologıamyzdy odan ári damytýymyz kerek» degen tujyrymdy oıy talqyǵa tústi.
Memleket basshysynyń jyl saıynǵy halyqqa arnaǵan Joldaýy – elimizdiń odan ári damýyna naqty baǵdar beredi. Mańyzdy qujatta kórsetilgen árbir baǵytty ár azamatqa jetkizip, túsindirý – ortaq mindetke aınalǵandyqtan, halyqaralyq dárejedegi sport sheberi Ybraıymov Ermahan Saǵıulymen birlese Elbasynyń kezekti Joldaýyn talqylaý, boıymyzǵa erekshe rýh uıalatýda, júregimizdegi patrıottyq mahabbatymyzdyń oıana túsýine, jastardyń ózindik naqty maqsatyn aıqyndaýǵa, bilimniń teńdessiz baılyq ekendigin dáleldeı túsýdegi erekshe qadamdardyń biri boldy.
Elimizdiń maqtanyshy, halyqaralyq dárejedegi sport sheberi, Sıdneı Olımpıadasynyń jeńimpazy – Ybraıymov Ermahan Saǵıuly joldaýdy talqylaý barysynda:
– Elbasy Joldaýdyń ár bóliminde negizgi baǵyttardy naqty kórsete otyryp, qazirgi tańdaǵy ózekti máselelerge toqtalyp ótedi. Sonyń ishinde, qazirgi tańdaǵy «Jańa tarıhı kezeń – Rýhanı jańǵyrýǵa» aıaq basýdaǵy negizgi qadam ekendigine toqtalady.
Ómir boıy izdený kerek, rýhanı jańǵyrý árqaısymyzdyń óz isimiz ben eńbegimizdiń nátıjesin shyǵara bilýden bastalady. Kez kelgen azamat óz mamandyǵyn joǵarǵy dárejede meńgerip, bilikti maman bolyp, qoǵamǵa ózindik úlesin qosqan jaǵdaıda ǵana, biz rýhanı jańǵyramyz, aldyńǵy qatarly damyǵan memleketterdiń tiziminen oryn alatynymyz anyq. Al, bizdiń QR azamaty retinde negizgi mindetimiz – birinshiden, kez kelgen isimizge jaýap berý, ózimizden bastaý alý kerektigimiz, ekinshiden, qaı salany qolǵa alsaq da, sol salanyń maıtalmany, has sheberi bolý kerek ekendigimizde, – degen pikirin jetkizý arqyly jalyndaǵan jastar rýhyn kótere tústi. Jeńimpazdyq lebi, kóshbasshylyq qasıeti, árbir qatysýshynyń patrıottyq sezimin kúsheıte tústi.
Elbasy bıylǵy jylǵy Joldaýda damýdyń naqty 10 qadamyn aıqyndap berdi. Onyń ishinde jańa bilimdi meńgerý qabiletin damytýǵa jol kórsetetin – adamı kapıtal – jańǵyrý negizi baǵyty bárinen buryn oqytýshylar qaýymyna etene jaqyn ekendigin atap ótý qajet. Osy tustaǵy halyqaralyq sport sheberi Ermahan Saǵıulynyń bilim Ordasyn erekshe qurmet tutýy, sonyń ishindegi álemniń 800 úzdik ýnıversıteti ishinde 236-orynǵa turaqtaǵan QazUÝ-dyń orny erekshe, maman daıarlaýdaǵy aldyńǵy qatardaǵy ýnıversıtet retinde tanıtyn Qazaq Ulttyq ýnıversıtetin, Qazaqstandyq azamat retinde, qara shańyraqtyń túlegi retinde maqtan tutatyndyǵyn erekshe mahabbat sezimimen aıtýy, júregimizde maqtanysh sezimin oıatty.
Kezdesýdi Shyǵystaný fakúltetiniń dekany Yqtıar Paltóre myrza Halyqaralyq dárejedegi sport sheberi, Sıdneı Olımpıadasynyń jeńimpazy Ybraıymov Ermahan Saǵıulyna oqytýshy-professorlar quramy men stýdentterge arnaıy ýaqytyn bólip kelgeni úshin úlken alǵysyn bildire otyryp, óz sózinde:
Jastarymyz basymdyq beretin maqsattardyń qatarynda bilim júıesi árdaıym birinshi kezektegi orynda turady. Memleketimizdiń ulttyq jańǵyrýy – ulttyq sanamen tyǵyz baılanysty. Onyń túpki maqsaty – ulttyq biregeılikti saqtap, el ishinde beıbitshilik pen kelisim úılese otyryp, ulttyq bereke, birlik saltanat qurǵan básekege qabiletti, tabysty jastar bola bilý. Al, tabystyń kilti – rýhy myqty, bilimdi ári bilikti azamattardyń qolynda bolatyny aqıqat. Biz úshin jańa zamanǵa saı órleý baǵytyn damytatyndyǵymyz ben Joldaýda naqty kórsetilgen 10 mindetti oryndalýyna úles qosa bilý – deı kele:
– Elimizdiń rýhanı jańǵyrýy Siz sekildi azamattardyń barynda, oń nátıje beretindigin senimmen aıta alamyz. Qazaqstannyń bolashaǵy – bilimdi urpaq bizdiń jáne boıymyzǵa maqtanysh sezimin uıalatatyn, Siz sekildi álemdik chempıon azamattarymyzdyń arqasynda jarqyn bolatyndyǵyna senemiz. Sol sebepti, biz jáne Siz bolyp, «Bir jaǵadan bas, bir jeńnen qol shyǵaryp» birlikte kezekti Joldaýdy oryndaýymyz asa qajet. Básekege qabiletti, álemdik deńgeıde tanylǵan ári damyǵan rýhanı kemel el bolý – Elbasynyń asyl armany. Endeshe, memleket basshysynyń jastarǵa sony serpin, tyń bastama usynýy keleshekke qamdanýdyń áreketi dep túsinemiz – dedi.
Elbasy N.Á. Nazarbaev: «Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy», - dep el keleshegine úmit artady. Sondyqtan da, bizdiń azamattyq boryshymyz – rýhanı jańarý arqyly álem moıyndar tabysty el bolyp, jarqyn bolashaqqa birlik týy astynda birge jetý, aldymyzda kedergilerdi jumyla eńsere alý bolyp tabylsyn!
Shyǵystaný fakúlteti
TÚRKSOI kafedrasy
B. B. Eshmetova
