Búgin Almatyda Ortalyq Azıadaǵy mıkro, shaǵyn jáne orta kásiporyndardy (MSHOK) qoldaýǵa baǵyttalǵan shaǵyn bıznesti damytý boıynsha aımaqtyq baǵdarlamanyń (SHBDAB) tusaýy kesildi, dep jazady Qamshy.kz aqparat agenttigi.
Baǵdarlamany Eýropalyq Odaq qarjylandyrady jáne Ortalyq Azıadaǵy qarjy ınstıtýttarynyń qyzmetkerlerin onlaın oqytýǵa múmkindik beredi. Yńǵaıly bolý úshin derbes qurylǵylar arqyly oqytý da qarastyrylǵan
SHBDAB shaǵyn bıznesti qarjylandyrý salasynda noý-haý engizýdi qarastyrady. Baǵdarlamanyń tusaýkeserine EO, EQDB, QR Úkimeti, QR Ulttyq banki, halyqaralyq uıymdar jáne qarjy ınstıtýttary ókilderi qatysyp, «Bank salasynyń bolashaǵy jáne qarjy qyzmetterin usyný» taqyrybyna pikir almasty.
SHBDAB sheńberinde Ortalyq Azıada MSHOK qarjylandyratyn qarjy ınstıtýttaryna arnalǵan bilim almasý platformasy iske qosylady. Jergilikti qarjy ınstıtýttary osy saladaǵy EQDB tájirıbesimen tanysyp, túrli taqyryptaǵy trenıńter óte alady.
Dál qazir platforma MSHOK kredıt qabilettigin saraptama dasaıtyn arnaıy trenıńter usynady. Bilim almasý boıynsha baǵdarlama ishinara qoljetimdi, biraq bolashaqta onlaın oqytýdyń júıesi tolyqqandy jumys isteıtin bolady. 2018 jyldyń ekinshi toqsanynda qyzmetkerlerdiń sertıfıkattaýdyń onlaın baǵdarlamasy iske qosylady.
Baǵdarlamanyń keńesshisi IPC (Internationale Projekt Consult GmbH) kompanıasy. Kompanıa MSHOK qarjylandyrýmen baılanysty jobalar jáne oqytý baǵdarlamalaryn jasaý jáne júzege asyrý boıynsha mol tájirıbege ıe.
«Damý» kásipkerlikti damytý qory» baǵdarlamanyń áriptesi boldy. Qordyń elimizdiń búkil terıtorıasyn qamtıtyn fılıaldary bar jáne bıznespen, qoǵamdyq uıymdarmen jáne jergilikti atqarýshy bılikpen yntymaqtastyq boıynsha mol tájirıbesi bar.
Zoltan Salaı, Eýropalyq Odaqtyń Qazaqstandaǵy Ókildiginiń senimdi ókili: «Qazaqstandaǵy MSHOK eń basty qıyndyqtarynyń biri qarjyǵa qol jetkizý bolyp otyr. MSHOK qoldaý ekonomıkany ártaraptandyrýǵa jáne ınovasıany damytýǵa óte mańyzdy. EO jáne EQDB kómegimen basqa aımaqtarda júzege asqan bul bastama jaqsy nátıjelerge qol jetkizdi. Biz Qazaqstanda týra sondaı jemisti bolatynyna senimdimin», - dedi.
Agrıs Preımanıs, dırektor, EQDB Qazaqstandaǵy basshysy: «MSHOK qarjylandyrý boıynsha oqytý baǵdarlamalary Ortalyq Azıadaǵy qarjylyq ınstıtýttar arasynda óte tanymal boldy. Atalmysh baǵdarlama zamanaýı tehnologıalardy paıdalanyp qana qoımaı, Ortalyq Azıadaǵy keń aýdıtorıany qamtıdy. Nátıjesinde MSHOK qarjylandyrý boıynsha baǵdarlamany tıimdi etetini sózsiz», - dep atap ótti.
«Damý» qorynyń basqarma tóraǵasy Abaı Sarqulov: «Mıkro, shaǵyn jáne orta bıznesti qarjylandyrý jáne olarǵa qyzmet kórsetý salasynda bilim almasý, oqytý jáne testileý úshin sandyq platforma qurý, qarjy sektorynyń mamandaryna bıznesti damytý maqsatynda qarjylandyrý úshin jobalardy daıyndaý, irikteý negizderin durys túsinýge múmkindik beredi», - dep atap ótti.
