2015 jyl memlekettik qazynasyna qol suǵyp, belgilengen nysandarǵa bólingen qarjyny qaltaǵa basam dep temir torǵa toǵytylǵan paraqor sheneýnikter jappaı bostandyqqa shyǵýy múmkin degen habar taratty 365info.kz saıty.

Jańa Qylmystyq kodekste osyndaı keńshilikter qarastyrylǵan. Sebebi jańa Qylmystyq kodekste paramen ustalǵandarǵa jeńildikter qarastyrylǵan-deıdi advokat Djohar Ýtebekov. Para somasynyń kólemi qansha bolmasyn sot aıyppul salýmen shekteledi mys. Tek qylmysker salynǵan aıyppuldy tóleı qoıa ma degen suraq týyndaıdy. Qalaı bolǵan kúnde de ol bas bostandyǵynan aıyrylmaıdy. Al qazirgi QKde kórsetilgen aıyp qatal. Paraqor qansha kólemde aqshamen ustalsa da mindetti túrde temir torǵa qamalatyn ed. Al jeńildetilgen QK iske asatyn bolsa qazirgi ýaqytta jazasyn ótep jatqan barlyq paraqorlarǵa bostandyqqa shyǵýǵa úlken múmkindik týady deıdi Ýtebekov. Alaıda qylmyskerlerdiń jazasynyń jeńildetilýi sot oryndaýshyǵa baılanysty ekeni málim.

Qaı "dókeıdiń" isi qaıta qaralýǵa jiberilýi múmkin?

Mysaly 70 myń dollardy jymqyram dep ustalǵan Joǵarǵy sottyń eks tóraǵalary Saılaýbek Jákishev 12 jyldy júktegen bolsa, onyń sybaılasy Almas Tashenov 10 jyldy arqalaǵan ed. Nemese áriptesin memlekettik qyzmetke ornalastyrý úshin 80 myń dollar para alam dep qamalǵan, sol qylmysynyń jazasyna 10 jyldy arqalaǵan Keden komıtetiniń burynǵy bastyǵy jáne İİD burynǵy mınıstri Serik Baımaǵambetov pe? Jeńildikten úmitkerlerdiń qatarynda AREMniń burynǵy basshysy Murat Ospanov ta bar. Ol 300 myń dollar para aldy degen kúdikpen ustalǵan bolatyn. Ne de bolsa aılasyn asyryp, kóp asımyn dep joq asaǵan paraqor sheneýnikterdiń kúni ońynan týatyn boldy. Aldyn ala joramaldarǵa sensek amnısıaǵa ilikkenderdiń aldyńǵy legi aqpan-naýryz aılarynda bostandyqqa shyǵyp qalýy yqtımal.

Nurkeldi Ábdiǵanıuly