Beıjińde Qytaı az ulttar jazýshylar qoǵamy men «Aqsaı» qazaq ádebıeti qoǵamy uıymdastyrǵan baıqaýdyń marapattaý rásimi ótti dep habarlaıdy 24.kz.
Munda jergilikti qazaq qalamgerleriniń proza, poezıadaǵy tól týyndylary men qytaı-qazaq ádebıetindegi tyń shyǵarmalar, tańdamaly aýdarmalar baǵalandy. Baıqaýda bir jyl boıy az ulttar tilinde basylyp shyqqan 107 ádebı shyǵarma saralanyp, qazylar alqasy qazaq basylymynan 5 avtordyń shyǵarmasyn úzdik dep tanydy. Bas júlde – 20 myń AQSH dollaryn Erlan Nurdyhanulynyń «Kóleńke kózindegi eles» jyr jınaǵy enshiledi. Al, Aıdos Amantaıulynyń qytaısha jazylǵan «Aıdos-SHolpan» romany jas qalamgerler arasynan úzdik shyqty.
Aıdos Amantaıuly, jazýshy: - Kóńil-kúıim de tebirenip tur. Bul syılyq qytaı-qazaq ádebıetiniń kórkeıip kele jatqanyn bildiredi ári bolashaqta odan ári damýyna kúsh beredi dep oılaımyn.
