Sara Kas Feısbýkte moderator bolyp qyzmet atqarǵan dep jazady Qamshy.kz aqparat agenttigi BBC-ge silteme jasap. Onyń aıtýynsha,  Feısbýktegi 8 aı jumystan keıin psıhologtyń kómegine júgingisi kelgen.

«Meniń jumysym pornografıa toly bolatyn» - dep eske alady Sara.

Aldyńǵy jyly Sara Feısbýktiń Kalıfornıadaǵy agenttiginde jumys istedi. Saramen qatar agenttikte júzdegen moderator eńbek etti.

«Jumys berýshi qandaı aqparatpen jumys isteýimiz múmkin ekenin eskertken» deıdi Sara.

Onyń jumysy - Feısbýktegi jeli qoldanýshylarynyń shaǵymy boıynsha tekserý jumystaryn júrgizý.

Jantúrshigerlik foto, vıdeolar

- Bizge bir posttyń spam, spam emes ekenin anyqtap, ony óshirýdiń qajeti bar, joǵyn túsinýge bir mınýt beretin. Keıde biz profıldi óshirip tastaıtanbyz.

Basshylyq bizden 8 saǵattan artyq jumys isteýdi talap etpeıtin. Osy ýaqyt aralyǵynda biz 8 myń jazbany qaraıtynbyz. Bul – bir saǵatta myń jazba.

Maǵan kezdesken posttardyń jartysy balalar pornografıasy bolatyn. Sýrette eki bala boldy. Uldyń jasy – 12-ler shamasy, ekinshisi qyz. Onyń jasy 8 jas tóńireginde. Olar bir-birine qarama-qarsy turyp, bir-birin aımalap turdy.

Bireý olarǵa ne isteý kerektigin kórsetip turǵandaı. Kórinis jantúrshigerlik edi. Sebebi barlyǵy shynaıy ómirde bolyp jatty.

Mundaı posttar óte tez jyldamdyqpen taralatyn. Bir kúnde 6 adamnyń jelisinde jarıalandy. Sondyqtan eń birinshi bolyp jarıalaǵan jeli qoldanýshysyn tabý qıynǵa soǵady.

Bizge sumdyq jazba, vıdeo, sýretterdi kórýimiz múmkin ekenin eskertken. Oǵan ishteı daıynmyn dep oılaısyń, alaıda ondaı jaǵdaımen betpe-bet kelgende eseńgirep qalasyń. Eger jumysta maǵan psıhologtyń kómegin usynsa, oılanbastan kómegine júginer edim, - deıdi Sara.

Aıaýsyz zorlyq

- Ýaqyt óte kele alǵashqy kezdegideı shoshymaısyń. Jumys psıhologıalyq turǵyda ońaıǵa soǵady dep aıta almaımyn, desek te boıyń úırenedi eken.

Eresek adamdardyń jynystyq qatynasqa túsken vıdeosy kóp jarıalanatyn. Arasynda zoofılder de boldy. Jylqymen jynystyq qatynasqa túsken adamnyń vıdeosy jarıalanǵan. Ony kóp adam bóliskendikten, túbirimen jeliden óshirip tastaý múmkin bolmady.

Sonymen qatar, zorlyq kórgen, qaıtys bolǵan adamdardyń da foto, vıdeolary jarıalanatyn. Máselen, basyna oq tıgen adam, denesi bólshektelgen máıit.

Moderasıa erejesi zorlyq materıaldaryna qaraǵanda pornografıalyq posttarǵa qatysty óte qatal bolatyn.

Feısbýk jaýaby

Bı-bı-sı Saranyń aıtqanyn Feısbýkke joldady. Atalǵan kompanıa ókilderi moderatorlardyń áleýmettik jelini qaýipsiz etý jolyndaǵy eńbegi orasan zor ekenin aıtady.

«Biz qyzmetkerlerimizge trenıńter ótkizip, psıhologıalyq kómek kórsetemiz. Keıde jasandy ınttellektti qoldansaq ta 7000 adam jumys isteıdi.  Olardyń jaǵdaıy biz úshin óte mańyzdy» delingen jaýapta.