Qazaqstanda latynsha jazylǵan jeke kýálikter 2021 jyldan bastap beriletin bolady. Bul týraly 13 aqpanda QR úkimeti otyrysynda mádenıet jáne sport vıse-mınıstri Erlan Qojaǵapanov málimdedi, dep jazady Qamshy.kz aqparat agenttigi. 

Onyń sózinshe, latyn álipbıine kóshýdiń alǵashqy satysy 2018-2020 jyldarǵa josparlanyp, aldyn ala quqyqtyq normatıvtik jańartýlar men latyn grafıkasyna ótýdiń İT-baǵdarlamalary jasalady.

-Latynǵa kóshýdiń ekinshi satysy 2021-2023 jyldarǵa josparlanǵan. Oǵan deıin arnaıy semınarlar men daıyndyq kýrstary júrgizilip, bul jumystarǵa ǵalym-fılologtar tartylatyn bolady,-dedi ol.

Al úshinshi satysy 2024-2025 jyldarǵa belgilenip, memlekettik organdardy jáne bilim berý ortalyqtary men BAQ quraldaryn latyn qarpine kóshirý aıaqtalýy kerek.