«Bazıs Alataý» JSHS basshylary úsh Qytaı azamatynyń 1 mlrd teńgesin ıemdenip, alaıaqtyq jasady degen kúdikke ilikti, dep habarlaıdy Qamshy.kz aqparat agenttigi «QazAqparatqa» silteme jasap. 

«QR Bas prokýratýrasynyń arnaıy prokýrorlar qyzmeti «Bazıs Alataý» JSHS basshylary B.Baımuhanov, G.Nábıeva jáne basqalarǵa qatysty Qytaıdyń úsh azamaty He Han Veı, Lın Nýszy jáne Van Djýnǵa alaıaqtyq jasaý faktisi boıynsha sotqa deıingi tergeý jumystary júrgizilip jatyr», - dep atap ótilgen habarlamada.

Sotqa deıingi tergeý materıaldaryna sáıkes, B.Baımuhanov pen G.Nábıeva «Qorǵas» SHYHO aýmaǵynda ınvestısıalyq obektilerdi salý jáne jer ýchaskelerin jalǵa berý týraly kelisimder jasaýǵa jáne oıyn bıznesin júrgizý úshin ruqsat alýǵa kómektesemiz degen syltaýmen úsh qytaılyq azamattyń 1 mlrd. teńge kólemindegi qarjysyn ıemdenip ketken.

Kúdikti B.Baımuhanov pen G.Nábıeva 2018 jyldyń 20 aqpanynda ustalyp, sottyń sanksıasymen tutqyndalǵan. Sotqa deıingi tergeý jumystary jalǵasyp jatyr.