Qutqarýshylar ırandyq ATR ushaǵymen apatqa ushyraǵan qurbandardyń máıitin Dena taýy jotasy mańynan tapty dep jazady 24.kz
Aýa raıynyń qolaısyzdyǵyna qaramastan, olardyń deneleri kóp uzamaı taýdan túsirilmek. Bul týraly Irannyń Qyzyl jarty aı uıymynyń basshysy habarlady. Jergilikti bılik ókilderiniń aıtýynsha, qutqarýshylar ushaqtyń fúzelájyn tapqan. Qutqarý-izdestirý jumystary áli de júrip jatyr.
Eske sala keteıik, Tegerannan Iasýdj qalasyna bet alǵan Iran Aseman Airlines áýekompanıasynyń ushaǵy radar betinen joǵalyp ketken edi. Onyń bortynda 66 adam bolǵan. Resmı derek boıynsha ushaq taýǵa soǵylǵan.
