QR Parlamenti Senatynda azamattyq qoǵam máseleleri boıynsha ótken dóńgelek ústel otyrysynda Din isteri jáne azamattyq qoǵam mınıstri Nurlan Ermekbaev dinı saladaǵy zań jobasynyń keıbir normalaryna túsinikteme berdi.

«Keıbir adamdardyń qate túsinikteri nemese ádeıi jasalyp otyrǵan jalǵan, burmalaǵan málimetteri boıynsha mynany aıtqym keledi, zańnyń ózinde mektep kıimi, mindetti ekpe egý normalary týraly sóz qozǵalmaǵan, saqal, shalbar t.b. sıaqty sózder múldem joq», - dep basa aıtty mınıstr.

N. Ermekbaevtyń aıtýynsha, zań jobasy qoǵam men memleket aldynda adamdar óz mindetterin saqtaı otyryp, olardyń quqyqtary men erkindikterin qamtamasyz etý máselesin bastapqy orynǵa qoıyp otyr. Zań jobasynyń bastapqy usynylǵan normalary túsken usynystardy esepke ala otyryp túzetilý ústinde.

Dinı saladaǵy zań jobasy elimizdegi turaqtylyq pen qaýipsizdiktiń berik irgetasyn qalyptastyrýǵa baǵyttalǵan.

«Qazaqstan Respýblıkasynyń azamattyq qoǵamdy damytý máseleleri boıynsha zańnamasyn jetildirý» taqyrybynda ótken dóńgelek ústel otyrysyna depýtattar men memlekettik organ ókilderi, qoǵamdyq birlestik jetekshileri qatysyp, memlekettik organdar men úkimettik emes uıymdardyń arasyndaǵy ózara is-qımyl máseleleri boıynsha pikir almasty. Atap aıtqanda, qoǵamdyq keńesterdiń mindetteri, úkimettik emes uıymdardyń áleýmettik áriptestigin nyǵaıtý, memlekettik áleýmettik tapsyrys sapasyn arttyrý, úkimettik emes uıymdarǵa granttar bólý, volonterlyq qyzmetti damytý, «Rýhanı jańǵyrý» baǵdarlamasy aıasynda «Atameken» kishi baǵdarlamasyn iske asyrý barysy talqylandy.