Shyǵys Qazaqstan oblystyq  Ámire Qashaýbaev atyndaǵy  memlekettik fılarmonıasy   Zaısan aýdanyna gastróldik saparda bolyp qaıtty. Fılarmonıa ujymy áýeli Shilikti jáne Keńsaı aýyldyq okrýgterine at basyn buryp, jergilikti halyqty án-kúımen sýsyndatty.

Sonymen qatar ónerpazdar Daıyr ján Qaratal aýyldyq okrýgterine baryp,  turǵyndarǵa tamasha kóńil-kúı syılady. Atalǵan eldi mekendegi aǵaıyn konsertten kóterińki kóńil-kúımen tarqasty.

27 aqpanda óner ujymy Saryterek aýyldyq okrýgi turǵyndary úshin óner kórsetip, halyqty rýhanı baıytyp, kóńilderin serpiltti. Dál osy kúni ónerpazdar Zaısan qalasynda ornalasqan aýdandyq mádenıet úıiniń sahnasyn da ásem án, kúmbir kúıge bólep, gastróldik saparlaryn qorytyndylady.

Kesh sońynda  aýdan ákimi Temirbek Qasymjanov Zaısan aýdanynyń turǵyndary atynan   halqymyzdyń rýhanı jáne mádenı kemeldeýine qosqan úlesteri úshin alǵys bildire otyryp,  tolaǵaı shyǵarmashylyq tabystar, myqty densaýlyq, uzaq ǵumyr sarqylmas baqyt tileı otyra,  fılarmonıa ujymyna alǵys hat pen estelik syılyqtar tabys  etti.