«Aqtaý-Beıneý» avtojolynda qaza bolǵan 7 adamnyń 6-aýy Ózbekstan azamattary bolyp tabylady. Bul týraly Ózbekstan Tótenshe jaǵdaılar mınıstrliginiń resmı saıtynda habarlandy, dep jazady Qamshy.kz aqparat agenttigi. 

Buǵan deıin habarlaǵanymyzdaı, 1 naýryz kúni «Aqtaý-Beıneý» avtojolynda «Shacman» markaly júk kóligi men «LADA Largus» soqtyǵysty. Saldarynan jeńil kólikte bolǵan 6 jolaýshy men onyń júrgizýshisi oqıǵa ornynda qaza boldy.

«Olardyń tulǵalary anyqtalý ústinde. Aldyn ala aqparat boıynsha, ajal qushqandardyń barlyǵy Ózbekstan azamattary bolyp tabylady», - dep atap  ótken bolatyn Aqtaý oblystyq İshki ister departamentinen. QR Qylmystyq kodeksiniń 345-baby boıynsha sotqa deıingi tergeý bastaldy. Ózbekstan Tótenshe jaǵdaılar mınıstrliginiń resmı saıtynda habarlanǵandaı, mert bolǵandardyń 6-aýy sol eldiń azamattary bolyp tabylady.

«Ózbekstan Respýblıkasynyń Qazaqstandaǵy Elshiliginen túsken aqparatqa sáıkes, 1 naýryz kúni saǵat 06.00-de Mańǵystaý oblysy Mańǵystaý aýdanynyń Shetpe aýylynda, «Aqtaý-Beıneý» kúre jolynda Aqtaý qalasy - Beıneý aýdany baǵyty boıynsha bet alǵan memlekettik nómiri 90 S 830 JA  «LADA Largus» pen memlekettik nómiri  737 DPA/12 «Shacman» júk kóligi soqtyǵysty.

Jol apaty saldarynan órt bolyp, aldyn ala málimet boıynsha 7 adam qaza boldy. Olardyń 6-aýy Ózbekstan Respýblıkasynyń azamattary bolyp tabylady. Atalmysh fakti boıynsha tergeý sharalary júrgizilýde. Qaza bolǵandardyń tulǵasy anyqtalýda», - delingen Elshilik aqparatynda. Kólik oqıǵasyna oraı Ózbekstan TJM-de ((+998 71) 147-10-50) jáne Qazaqstandaǵy Ózbekstannyń dıpókildiginde (+7 777 218-20-10 ı +7 727 291-06-44) shuǵyl jeliler ashyldy.