Bankır Erjan Tátishevtiń ólimi boıynsha sotta qylmys sebepteriniń biri aıtyldy, dep habarlady Qamshy.kz aqparat agenttigi Astana arnasynyń deregine súıenip. 

«TuranÁlem» bankiniń basqarma basshysyn óltirdi degen aıyp Murathan Toqmádıge taǵylyp otyr. Sotta banktiń qaýipsizdik qyzmeti basshysy bolyp istegen Nıkolaı Kýzmenko jaýap berdi. Onyń aıtýynsha, túrmeden shyqqanan keıin búkil aktıvinen aıyrylǵan Muhtar Áblázov Erjan Tátishevke ashýly bolǵan kórinedi.

«Shyqqan kezde, Tátishev nemese bank onyń úlesin qaıtarady dep oılady. Biraq arty janjalǵa ulasty: biri ýáde berdi, ekinshisi oryndamady. Maǵan Muhtar esinen adasqandaı bolyp kórindi. Sondaı daryndy adam, grosmeıster, shahmatshy, ol is-áreketin 12-15 jyl buryn esepteıdi. Endi kelip oıy iske aspaı qaldy. Oǵan aqshadan buryn, jalpy proses mańyzdy boldy», — deıdi Kýzmenko.

Qazaqstannyń arnaıy qyzmeti 2017 jyly 12 maýsymda «QazSHynyQurylys» JSHS bas dırektorynyń keńesshisi Murathan Toqmádıdi ustady.

Bıznesmen iri kólemde múlik ıemdený úshin bopsalaýmen aınalysty dep aıyptalyp, sot ony úsh jylǵa bas bostandyǵynan aıyrdy.

Keıinirek Murathan Toqmádı «BTA bank» basqarmasynyń burynǵy basshysy Erjan Tátishevti óltirgenin moıyndady.