Naýryz aıynyń basynda jáne sońynda Reseıdiń Eýropalyq aýmaǵynan keletin sýyq antısıklonnyń áserinen Qazaqstannyń basym bóliginde kún edáýir sýytady dep habarlaıdy Qamshy.kz aqparat agenttigi Qazgıdrometke silteme jasap.

Respýblıkanyń keıbir aýdandarynda frontaldyq bólimderdiń ótýine baılanysty (jańbyr, qar), ońtústikte jáne ońtústik-shyǵysta jaýyn-shashyn kútiledi. Aýa temperatýrasy:

soltústik  bóliginde túnde 20...28 deıin aıaz, kúndiz 10....18 deıin aıaz;

ońtústik bóliginde túnde 0...8 deıin, kúndiz 0...5 tómendeıdi.

Elimizdiń basym bóliginde ekpindi jaýyn-shashyn jáne temperatýranyń joǵarylaýy kútiledi.

Naýryzda aýa temperatýra normadan joǵary 1...20S deıin kóteriledi. Shyǵys Qazaqstan, Aqmola, Pavlodar, Batys Qazaqstanda, Qostanaı jáne Aqtóbeniń soltústiginde ortasha temperatýra saqtalady.

Jaýyn-shashynnyń aılyq mólsheri Atyraý, Mańǵystaý, Qyzylorda, Qaraǵandy men Aqtóbeniń ońtústiginde normaǵa jýyq. Almaty, Jambyl, Ońtústik Qazaqstan, Batys Qazaqstan, Qostanaı, Soltústik Qazaqstan, Aqmola, Pavlodar jáne Shyǵys Qazaqstan oblystarynda normadan asady dep kútilýde.